估唔到讀大學都好似維園街場咁多「裝備X」－ 香港大學文化「左Starbucks右MacBook 」 精選 推薦

男仔上網有種方法叫 「左青龍右滑鼠」，
而大學某種文化叫「左Starbucks右MacBook 」。
曾經有人話過MacBook係HKU既校機，
讀得HKU 用就一定要用MacBook。

夾住一部MacBook係身邊，
穿梭係港大百年校園之中。
「哇 好型阿！」

遠處似乎都傳黎尖叫聲。
查實點解好型呢？
係你份人好型？
係部機既設計好型？
定係係部機既設計襯得你份人好型阿？

錯！
係部機既「價錢」好型。
一部MacBook點樣都萬萬萬萬聲。
拎得係手上個個官子哥兒都自然有番d「斤兩」 同「銀兩」啦。

Starbucks既潮流又發生緊咩事呢 ？
究竟一杯Starbucks 係港大既價值係幾多呢？
以一杯medium size 既Chocolate chip cream黎講呢係 ＄23.5。「車！廿拎蚊！」

「A，你咪以為少阿！」
一星期翻學翻5日，好彩既你可以翻4日。
要以拎住一杯Starbucks既形象係學校出現，
咪以為一杯夠你拎一日，
一日要兩杯，甚至三杯。
屈指一算都盛惠你幾千蚊一年。

「唏！你咪咁膚淺啦，下下都錢錢聲。」

但我地試想象一個場景，
有日你係學校行行下 ，
突然你見到你女神經過，
你鼓起勇氣開口講左聲 ：
「hi」
錯哂，錯到離哂大譜。

我地再試一次，
我地一齊黎想象下，
有日你左「左Starbucks右Macbook」咁係學校行行下 ，
突然你見到你女神經過，
你右手部MacBook 流線型既機身，襯托出你與眾不同既外表，
你左手揸住個杯星咖啡，完美展示你高尚既品味，成熟而又穩重既氣質，
你迷人既喉核隨住香滑既咖啡流入，
咕嚕咕嚕上下擺動，
散發既魅力似乎係向身邊所有異性招手，
依個時候，你女神竟然2個面豬登發哂紅咁，
鼓起勇氣同你講左一句：
「hi」 一杯Starbuck一部MacBook既作用就係咁簡單強勁。

各位讀緊港大或者準備要讀港大既freshman，
如果你仲未準備好「左星咖啡 右麥電腦 」，
比你拎到10科5** 都係唔合格。
有d心急既同學會問，
哎我真係好想加入「左Starbucks右MacBook 」既大家庭，
但我既家庭又比較清貪。

我即刻諗下。

又比我諗到d建議，
第一，政府出既grant loan 你可以考慮下。
第二，你可以試下買一杯Starbucks先，
飲完千其唔好扔左佢，
日日拎住個杯循環再用，
MacBook 啦wo
買住個MacBook套包住你部window機住先囉。

估唔到讀大學都好似維園街場咁多「裝備L」。
聽完咁多建議，通常有人會問：
「肥姨？咁你有無持有相關產品番學？」

利申本人係有持有相關既產品番學。
年輕人，
無論你讀緊邊間U都好，
都要時刻緊記： 「裝備自己，成就未來。」

各位Fanpiece既朋友仔
鐘意我既文章或者想睇更多
依到係我肥姨姨既Facebook
https://www.facebook.com/%E8%82%A5%E5%A7%A8%E5%A7%A8-1102806183130007/
比個like阿 留個言支持下我雖然肥姨既文章都算多人睇
但我個page無人理好慘架/___\
你既支持係我既動力哦！