Snapchat 溝女攻略

姨姨哦哦 於 21/10/2016 發表 收藏文章
Whatsapp Facebook Line..
今時今日上網搵炮友,
啊唔係,
識朋友可以話方便得黎又大把選擇。
但要講當中邊樣用黎溝女最就手、方便、快捷、安全同有趣味,
就一定非snapchat 莫屬。

今日本大師就同大家折解下Snapchat既3大優勢。

第一,電話號碼ID顯誠意。

Snapchat加朋友的系統係如果你電話contact list入面有佢電話,
或者你有佢既Id,先可以Add到佢做friend!
唔似得Facebook, Ig
Snapchat絕對唔會好似媒婆咁recommend朋友比你Add。
一般人無啦啦又點會咁神心去add人地既snapchat?
攞得人地電話或者Id,
好明顯係花左d心思,
條女再蠢都知道你千辛萬苦approach緊佢,
唔會咁快Friend zone BB你既。

第二,有意無意既direct增情趣。

依項係Snapchat功能上既優勢,
Snapchat update 可以揀放係My story定係直接Direct比一個人,
但一般Users既習慣係就算佢地放左Snap係Mystory到,
都會求其再direct比某幾個朋友。
你永遠唔知究竟佢係特登Direct你,
定係佢求其禁下比你睇。
心思思既朋友仲會去Check Mystory,
「唔通佢特登Snapchat我?」
醒目既朋友聽到依到已經可以融會貫通,
當你每次up一張snap既時候,
有意無意,有心無心禁去Direct Flirt你女神,
激起佢心中一片平靜已久漣漪,
接觸一定多左,
機會就自己把握啦!

第三,黃左柒左不留底倍安全。

溝女神大家都應該會遇到一個問題
女神身邊一個八婆好撚煩
女神又無事不分享,
天真到可能連msg都比人周圍睇,
一個唔覺意比人cap左圖,
你比人笑到核爆之餘,
你單野可以話係凍過水。
用snapchat你就可以唔洗驚,
第一,Snapchat d野睇完就無架啦。
第二,Snapchat cap圖replay依d危險動作一概都會有通知,一般人都唔會咁做。
就算比你他朝一日柒左,
你女神無情咁一個檸質埋黎,
你依然可以處之泰然咁講出一句:
「本來無一物,何處惹麈埃。」

睇完3招係咪覺得勝券在握呢?
燃起左你心裏熄滅已久既希望呢?
同女神卿卿我我既日子指日可待?

但要留意啦,
投資同溝女一樣涉及風險,
所呈現過往表現資料並不表示將來亦會有類似表現,
投資者在作出任何投資決定前,
應該將自己既樣貌納入考慮範圍之內。

留言


請按此登錄後留言。未成為會員? 立即註冊
    快捷鍵:←
    快捷鍵:→