「覺唔覺得戴住耳機同人講野真係好L無禮貌?」

姨姨哦哦 於 22/10/2016 發表 收藏文章
某次識左一個新朋友,
同佢都算投緣 興趣,背景都相似,
大學入面仲要係同班同學添,
心諗以後上堂都多個人多個照應,
發生咩事走堂交功課都有人幫下手啦。

咁岩順路,
就同埋佢一齊搭車翻屋企,
言談當然就甚歡。

但突然依位同學伸隻手入去個褲袋,
依到摷下個到摷下。
我真係好好奇佢搵緊咩,
唔通想「打哈痴」拎張紙巾?

正當我思考之際,
兄台手一停一頓,
瞬間又如閃電般抽出。

我驟眼一看,
眼見一條一尺如繩細長之物 ,
繩之一端又開一叉,
三末皆有黝黑玩意附於其尾。

兄堂將其把玩手上,
頓之將其一尾插落佢部手機到,
手法利落敏捷。
我仔細一睇。

原來係條耳機。


佢順手就拎埋條耳機,
一野就塞住左兩個耳窿。
依個時候我嚇到唔知講咩好,
個下既寧靜引起左戴住耳機既佢注意,
佢一個溫暖既微笑
然後開口同我講
「你繼續得架啦,我聽到wo。」

邊 有 人 同 人 講 緊 野 會 戴 住 耳 機。

依一刻我真係嬲到核爆,
喂師兄,我同你講緊野,
你搵舊野塞住個耳窿係咩意思先?
你有咩咁重要既野要宜加聽阿?
唔係話我有咩有關全球暖化既世紀偉論要發表,
你聽歌睇片上YouTube你自己翻屋企毒埋一邊無所謂,
有咩咁重要要宜加我同你講緊野聽先?

我企穩一吸氣丹田一用力問:
「你覺唔覺得戴住耳機同人講野真係好撚無禮貌?」

講笑啦我邊有咁夠疆,
我忍屎咁忍左佢一程車,
從此我地既生活就好似關節痛既廣告一樣,
你有你既生活我有我既忙碌,
再無交集。

好啦 我都戴個耳機聽翻首陳奕迅既落花流水。

「流水像清得沒帶半顆沙...」

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Race97 於 27/10/2016 評論 NO. 1

    其實戴耳機姐係唔想同你講野

  • tim wong 14 於 15/01/2017 評論 NO. 2

    好地地2個人出街做乜要戴耳機⋯ X2

快捷鍵:←
快捷鍵:→