男人一定叫過雞?男朋友有叫過雞我點面對?

姨姨哦哦 於 25/10/2017 發表 收藏文章
男人係咪一定叫過雞?
呢個問題嘅答案好簡單
唔係。

但係姨姨身邊嘅男性朋友當中
唔少都坦白承認自己有叫過雞
但有趣地方唔在於有幾多個人叫過雞
而係一啲平時你為佢係乖乖仔
日日讀書唔煙唔酒又唔蒲
你估唔到佢興趣除咗打機煲劇做毒撚之外
仲包埋一樣 叫雞。
男人叫雞嘅心態相當之容易理解
叫雞嘅魔力同引誘的確好大
你諗下
俾幾百蚊有個港姐級數仲要任你魚肉
所有夢寐以求嘅招式花腎
都只不過係一個又一個標注價錢既項目
想要「北姑」?可以。
想要「金絲貓」?都得。
開門見山,有錢就做
仲要有多年征戰沙場嘅熟手技師處理,
必定令到位位男士樂而忘返,
叫雞破處係唔少男仔嘅一個選擇。

車 你估個個都好似港姐咁靚咩
唔啱唔緊要你可以「彈鐘」
「彈鐘」可以理解為退貨
用黎形容男顧客㩒完鐘仔
覺得技師既外形未如理想。
講到呢一度都要利申一下
未叫過雞。
所有嘅嘢我都係睇書得返黎架炸。

如果男朋友同我講佢叫過雞點算?
其實去到最尾都要講一個好老土嘅問題,
究竟「性」同「愛」可唔可以分開?

對於男人黎講係絕對可以分開。
叫雞同睇咸片打飛機既道理好似,
衝動一嚟咗佢絕對想要,
但一切都係佢射個刻就完結,
佢會熄晒所有影片甚至清除哂瀏覽網頁記錄,
佢絕對唔會d咸片成日係佢desktop出現,
佢唔想同隻雞有有任何關係束縛,
傾計whatsapp多一句都唔會想,
佢想隻雞只係佢想要既時候出現、
玩到悶左就換一個,
睇膩左就換過一套。

你唔需要呷醋,
佢既對手只不過係一個為左錢先同你男朋友做愛既人,
佢唔想要你男朋友既愛,
更加唔想要佢既愛
佢絕對想拎左錢唔洗做就鬆人。
男人係獸慾既生物
有時會花女人好多年既時間先了解到依件事,
可能仲要用更加多年嘅時間先至能夠接受到呢件事。
如果你已經係一段關係入面,
我強烈建議大家唔好問,
唔知好過知問咗就棧傷心。
因為過去嘅事應該係你哋開始之前就應該搞清楚,
既然開始咗就無謂追究過去發生過咩事啦都於事無補架啦,
既然你都選擇左佢佢又選擇左你,
件事定左落嚟架啦,
唔好撩交嗌sweet下好過啦。

但如果你男朋友同你一齊都係仲一條雞蟲,
我也不知道說什麼好嚕~
祝你地幸福啦~


我係肥姨姨
歡迎投寫你既關係煩惱或其他有趣事情比肥姨姨哦
https://goo.gl/forms/QMdhmjBQYQ2hGixj1

鐘意我既文章或者想睇更多
依到係我肥姨姨既Instagram
https://www.instagram.com/myfataunt/?hl=zh-hk
Facebook:
https://www.facebook.com/myfataunt/
你既支持係我既動力哦!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→