溝女攻略：教你溝女唔好「怯」 精選

唔知大家仲記唔記得第一次見到自己「女神」係咩感覺？

記得中學嘅時候啱啱升左上一個新嘅年級，
遇到一班新嘅同學，
上緊堂嘅時候突然間留意到班房嘅某一個角落，
靜靜地咁樣坐住一個好特別嘅人。
我比我當時嘅荷爾蒙掩蓋左雙眼，
佢既國色天香；
佢既儀態萬千 ，
我嘅心理視角仿似有萬千朵鮮花綻放，
心跳加速、熱血沸騰、劍拔弩張....
「哇 ！點解我從來未見過呢個人？」

無錯我嘅內心係非常之興奮，
但係我卻係極力控制自己，
將自己表現得好似正常一樣，
「唔好面紅 唔好出汗 唔好扯住...」
我驚。
我驚表現出我異常興奮嘅唔平常，
我驚其他人睇得出我內心嘅波濤洶湧，
我更加驚嘅係...
佢睇得出我覺得佢咁！撚！正！

我坦白啲講嗰陣時我真係怯左。

我冇勇氣同佢講嘢，
我冇勇氣拎佢電話，
我甚至冇勇氣上堂嘅時候問佢做功課一唔一組。

依家諗返起嗰陣時咁怯都覺得搞笑，
我好好奇若果當初我唔係咁怯，
如果我真係開咗個頭咁究竟會點樣發展落去....
有冇得WhatsApp呢？
有冇得出下街呢？
有冇得拖吓手呢？
有冇得錫下咀呢？
有冇得....

答案係

收 撚 皮 啦 你 係 乜 都 冇 啊！

邊個收你皮阿？下？下？下？
咁衰既下？你啲同學啊？你女神啊？！
唔係呀邊個都唔係

係 你 自 己 收 自 己 皮。

初出茅廬溝女會怯係好正常，
但要怯還怯你唔好怯到連一個眼神接觸或者一句說話都唔敢講，幾多人因為害怕而唔肯踏出第一步，
你怯你冇結果唔怪得邊個，
試吓佢啦，
撩佢講下野約佢出街食飯。
有啊有、無呀無囉，
無嘅至少到了咗件心事瞓覺都心安理得；
人哋笑你咪由佢笑囉，會周圍同人哋講你溝佢嘅女仔都唔係好女仔，
中咗就自己嘅，
仲諗緊出唔出手嗰啲，
你自己諗掂佢啦。

我係肥姨姨
歡迎投寫你既關係煩惱或其他有趣事情比肥姨姨哦
https://goo.gl/forms/QMdhmjBQYQ2hGixj1

鐘意我既文章或者想睇更多
依到係我肥姨姨既Instagram
https://www.instagram.com/myfataunt/?hl=zh-hk
Facebook:
https://www.facebook.com/myfataunt/
你既支持係我既動力哦！