十大必講小學雞金句,你又講過幾多句?

姨姨哦哦 於 18/07/2017 發表 收藏文章
十大必講小學雞金句,排名不分先後
1.你食飯撈唔撈屎架?Yes or 撈?

細個邊個未接受呢一種哲學嘅考驗阿?
Yes又食屎,撈都食屎。
莎士比亞既名言,
食屎定唔食屎, this is a question.

2.你有冇老土眼鏡?

小學雞年紀輕輕,
又點會有老土眼鏡阿?
腦!肚!眼!頸!
謎底終極揭開,
從physiology同anatomy嘅角度為大家帶來全新嘅衝擊。

3.你好聰明呀,沖落廁所第一名!

作者使用了先揚後抑嘅寫作技巧,先表揚對方從而降低對方的心理防禦,繼而作出斥責,令對方心裏會有好過一些的情緒。

4.因為所以而且但是。

思考萬物嘅源頭似乎係人性嘅本質,短短八個字行雲流水輕快俐落交代事情嘅本未,你能說小學雞不聰明嗎?

5.閘住反彈冇回頭。

閘住將對方閘住,
反彈就將對方反彈,
無回頭就姐係無得回頭。
一個字:絕!

6.琴日我見到你阿媽跳樓~腰舞,
仲偷睇左你家姐沖涼...茶,然後你老豆過左身...加坡,見到你阿婆係廟街做雞...蛋仔,你阿哥就好鐘意搞基...關槍。

常言道「禍不及家人」,
幾句話說株連九族,
包括阿媽老豆阿婆阿哥家姐,
內容仲有跳樓過身做雞偷睇沖涼,
呢段小學雞金句可謂歹毒。


7.哦~你隻手過界,話比老師知。

一聲響亮嘅「哦」,
有震懾對手嘅威力令對方士氣減半,
「你隻手過界」簡潔明白咁指出對方嘅不是,
而「話比老師知」直接講出事情嘅後果,
事到如今對方冇再唔退讓嘅理由。


8.你吹我唔漲又抆我唔長,
大笨象揸支槍去打仗,
打唔贏返嚟食碗辣椒醬。

挑釁意味極強嘅幾句句子,
字字不斷碰觸對方嘅底線,
47% 會有令對方「着撚咗」既加成效果。

9.ONE MORE TWO MORE,
屎忽大過菠蘿,
上面有粒的,
又好似朱古力,
痾屎一滴滴。

強烈嘅節奏感,
喚醒人心裏便跳舞嘅靈魂,
即是不懂音樂,
都會好想跟着依種節奏擺動身體。

10.人人期望嘔白泡,嘔得多就死得早。

耳熟能詳嘅一首歌,
傳說冇人可以記得之後嘅歌詞,
如果有既話麻煩話俾我聽。


鐘意我既文章或者想睇更多
可以睇依到係我肥姨姨既Facebook
你既Like同cm係我既支持哦
https://www.facebook.com/%E8%82%A5%E5%A7%A8%E5%A7%A8-1102806183130007/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→