麥美恩離奇缺席TVB台慶後首回應 網民：「冇咗你歡樂擁抱係差啲」 精選

TVB金牌司儀麥美恩（Mayanne）連續8年主持《萬千星輝賀台慶》後，今年竟突然缺席司儀陣容，引發全城熱議。事件發生後，她首度在社交平台發文，以一句曖昧又幽默的回應引爆網民猜測。


麥美恩於台慶翌日（11月20日）在Instagram上傳身穿晚裝的自拍照，寫道：「The perfect weather，最鐘意呢隻凍凍爽爽，但都要好好保暖」。帖文引來圈中好友追問，高海寧直接留言：「你去咗邊度呀？唔返嚟台慶？」麥美恩則以6字神回：「去咗你個心度」，巧妙避談真實原因，為事件增添神秘感。


黃建東亦搞笑留言：「喂喂，你欠曾文心一個大夾抱呀」，麥美恩回應「下次有」，暗示未來可能回歸台慶。網民對她的缺席大感不捨，紛紛表示「沒有妳的節目，不想看」、「冇咗你歡樂擁抱係差啲」，更有粉絲直言「機械人點樣夾胸攬啊？」，懷念她招牌的「夾胸攬」黃金畫面。


麥美恩過去憑「助攻王」形象深入民心，曾因在台慶上熱情擁抱李芷晴、郭珮文等得獎者製造不少熱話。此次離奇缺席，雖以幽默方式回應，但真正原因仍成謎。