現年 34 歲的「富四代」鍾培生，日前針對近日有內地旅客以極低消費來港出遊，罕有地拍片公開評論。鍾培生表示：
引用首先，我係非常歡迎內地同胞嚟香港旅行兼刺激本港經濟，尤其係啲出手闊綽、捨得使錢嘅朋友，對好多行業嚟講都有好實際嘅支持。
但講真，如果嚟嚟去去都係嗰啲$18窮遊又唔消費，仲要塞住條街？就真係多謝晒喇
影片被內地網民轉載至社交平台，迅速引發熱議，大批內地網友批評其言論針對內地人，事件迅速登上微博熱搜。
其後，鍾培生再連續兩日以影片回應，片中他並無為早前言論道歉，反而提出若要杜絕「窮遊」現象，政府可考慮的措施。
引用有一個賊偷咗我條片放微博，結果「香港富二代嫌棄內地窮遊客」上咗全國熱搜。麻煩請大家支持知識產權，唔好偷片。
我贊成香港政府要推廣中港文化交流同促進旅遊業發展，但係要用納稅人嘅錢就一定要有返咁上下基本準則，絕對唔係用成千銀嚟換18蚊一個 “旅客”。
中華人民共和國香港特別行政區應該跟返國際同其他一線城市嘅做法，入境要有酒店或者住宿booking證明，起碼知道你真係嚟旅遊先啦！同埋鼓勵多消費多獎勵，送多幾張真旅客專屬消費券，歡迎國內同胞同外國嘅朋友，多啲嚟香港消費！
我愛香港，唱好香港！
引用琴日就提過住宿證明，其實真係好基本。香港人回鄉都要用App登記地址，嚟香港點解唔需要？
然後周圍都見到有 fake news 標題黨亂咁quote ，容我重申一次，我唔係反對來港遊客，而係極力反對推廣「窮遊政策」，縱容甚至鼓勵一啲計劃零消費嘅人「體驗」香港。
話說Threads度有人share咗一位內地女生嚟香港「窮遊」嘅短片，片入面嘅女生計劃用$100食盡香港美食，值得尊重嘅係人哋係有做功課了解本地文化，再擺上網同人哋介紹推廣香港。呢啲旅客，無任歡迎。
但係嗰啲又食又拎，拎完之後仲唱衰香港，話香港垃圾、CP值低、唔值得再嚟嘅人，點解要貼埋錢請你班人嚟鬧我屋企生活水平高呢？
最後，只要你尊重呢個城市，呢個地方永遠都歡迎你。
對於鍾培生這次直接的表態評論，有香港網民表示支持，並讚賞他沒有因被鬧上微博熱搜而跪低道歉。不過好快，鍾培生又上載了最新影片，表明了自己的愛國立場，並將矛頭轉向了提倡推廣窮遊的議員身上：「全部去晒嗰位議員屋企就啱㗎啦」：
請按此登錄後留言。未成為會員? 立即註冊