《女神配對計劃》林俊其真誠告白羅毓儀 網民對此情節意見兩極 精選

TVB 綜藝節目《女神配對計劃》第二集播出後，林俊其（Kris）向羅毓儀（Yuki）告白的片段成為網絡熱話。林俊其有「王浩信 2.0」之稱，昨晚在節目中勇敢向心儀對象表達心意：「我覺得佢每做一件事都會好驚、同埋都會諗好多嘢，所以就阻住咗佢行前一步。但我想講你相信自己就可以；同埋如果可以嘅話，我想做你輔助。」
Kris 表明自己對 Yuki 有好感已久，並分享了一次在公司活動見到 Yuki 為拎東西踮腳的情景，感受到心動。他又坦言自己喜歡 Yuki 成日笑，期望可以陪伴對方：「我覺得 Yuki 係一個需要多啲陪伴鼓勵，可能佢鍾意睇戲、睇動漫、或鍾意食某啲嘢，我都會陪佢先。我希望之後如果你有好多煩惱，又或者做嘢方面嘅嘢，我會想同你一齊研究、一齊去進步，希望有呢個機會。」


Yuki 最初誤以為告白對象是其他參賽者，得知是 Kris 後感到震驚，更幾度哽咽：「其實我唔係好估到……我哋叫做冇乜交集，但你好似好了解我咁。」最終 Yuki 決定放棄年輕 8 歲的康嘉泰，選擇為林俊其戴上心動頸鍊。


節目播出後，觀眾對此段感情發展意見不一。有人批評這段告白「好假啊！成三十歲人，應該有 d 歷練，冇理由一兩句就感動到喊」、「明顯就拍緊戲啦！」，甚至有傳媒以「微表情分析手法」指出兩人的「做戲成份」超過六成。不過亦有觀眾認為這對感覺自然、互動感人，「我唔認為佢哋有咁好演技」、「好感動！好襯，兩個傻笑好搞笑」、「似係未撻著，好睇好多，因為反應自然好多」。