《女神配對計劃》姜卓文原本力追李芷晴 臨場轉投關嘉敏成焦點 精選

TVB 全新戀愛綜藝真人騷《女神配對計劃》在首播一連兩集陸續介紹五位女神及三十位男參賽者。節目為增添懸念，加入「半盲選」環節，女神需在未見真身前先選擇心儀對象，亮燈後才會揭開參賽者真正樣貌。星二代姜卓文（細John）憑著高人氣成為關注焦點，他有自信表示：「我相信無論邊個揀我都好，我哋都會玩得好開心。」

節目公開五大女神的戀愛經歷及單身時間，當中李芷晴自認「戀愛腦」，表白：「我覺得自己比較黐身啲、嗲啲，我好鍾意戀愛嘅感覺。」她拍拖六次，單身半年。關嘉敏則三年未拍拖。細John原本表示追求李芷晴，李芷晴亦直言：「我心跳得好快」、「我係比較慢熱嘅人，可能你要lead住我喇」。


但過程中，細John突然改變主意，直言：「追李芷晴好大壓力」，轉投率性主動的關嘉敏懷抱。兩人皆熱愛RAP，令細John坦言自己偏愛主動女生，當場就放棄原本目標。現場所見，不論女神或男神，配對關係都可隨時變數百出。

細John自言是 Broadcaster、廚師、Rapper 及演員，身高178厘米，「麥玲玲」在節目中亦稱讚他「好優秀」。