曾志偉回應陳百祥「入TVB為炒余詠珊」爆料：佢鍾意語不驚人死不休！ 精選

資深藝人陳百祥（叻哥）日前 爆料好友曾志偉入主TVB的真正原因是為了炒掉余詠珊，引起軒然大波 。 曾志偉今日（9日）現身沙田馬場出席活動，首度開腔回應此事，笑稱早已習慣陳百祥的作風，更預告將在台慶上回應離巢傳聞 。

對於陳百祥指他入主TVB是為了炒掉余詠珊，曾志偉笑言：「我哋成日都話佢係演藝界嘅特朗普，語不驚人死不休，佢鍾意一定乜都要第一，要講啲乜嘢最令到人哋關心呢？ 當然就係講TVB，講TVB好嘅就冇人聽，就只可以講唔好嘅 。 我知道佢性格，所以見怪不怪 。」 他更澄清：「其實我入咗TVB之後，有好多人離職，所以冇可能 。」
此外，對於有傳他將於本月底離開TVB，曾志偉則表示：「咁快？ 台慶再講啦！」 賣關子表示將在台慶上正式回應 。