姜濤被狠批唱《鏡中鏡》暴殄天物　花姐點讚黑粉帖文後急解畫　稱老人家懵吓懵吓撳左惹姜糖不滿 精選

MIRROR人氣成員姜濤一向有不少haters在網上追擊，熱心程度甚至可媲美「姜糖」。日前有姜濤黑粉在社交平台發帖，留言「幾時都話鏡中鏡畀咗姜逼唱係暴殄天物」，本來這類負面帖文見慣不怪，討論不多。但有網民翻查時，驚見MIRROR經理人花姐竟然用自己帳號讚好了該帖文！
廣傳事件的網民留言：「平時見到有踩鏡仔嘅Po都會入去睇下有冇毒糖或者毒神徒like嘅，啱啱係1個踩姜濤嘅po度，竟然俾我見到佢like 左個po，都驚係假account 再禁入去睇原來係真。」姜糖看到後大感震怒，紛紛留言質疑「食碗面反碗底」「經理人變黑粉」，有人擔心會影響姜濤即將展開的巡唱心情。
事件鬧大後，花姐隨即在Instagram Story澄清，以黑底白字寫道：「我冇like，唔知道係咪老人家懵吓懵吓撳左，點樣搵番嚟dislike？」表示可能是家中長輩無意中按錯，又詢問如何撤回like，態度從容。
雖然花姐已盡快解釋，但部分姜糖未完全收貨，有人留言指「解釋等於掩飾」「半隻字道歉都冇」，亦有人認為只是小失誤，呼籲不要讓haters得逞。花姐當晚仍如常出席柳應廷的《Hi MIRO! Garden Party 2026》見面會，與粉絲開心合照，看來心情未受太大影響。