多名普通話嶺大生坐巴士回校 無人撳鐘被飛站 威脅司機駛回原位：看這麼多人夠不夠讓你下崗 精選

近日社交媒體上流傳一段名為「城巴B3A香港20分鐘旅遊攻略」的影片，片中數名疑似嶺南大學學生因未有按鈴而被飛站，於是在巴士上大吵大鬧，不僅指罵車長，還威脅要投訴「讓你下崗」，最終迫使車長駛回站點。
據悉涉事城巴B3A路線來往山景邨與深圳灣口岸，中途會在鄰近嶺南大學的富泰邨站停靠。影片中數名男女走近車長駕駛位，指責車長未有在富泰邨站停車。一名操不純正廣東話的女子怒斥車長：「你唔知你開呢班車？你唔返去，我今日投定你，我同你講！」車長邊駕駛邊回應：「你咪走返去囉。」一名男子隨即用普通話大喊：「我們坐了兩年了！」女子繼續指責：「我同你講，呢班車8點半係剩停嶺南大學，你明唔明？！」
車長無奈攤手說：「你哋又無人撳鐘喎。」他指出飛站是因為無人按停車鈴，乘客隨即鼓譟，一名男子用普通話喊道：「回去呀！」女子則警告：「你聽清楚，你今日唔車我哋返去，你走唔甩㗎啦，我就鬧定你！」男子也威脅：「看這麼多人，夠不夠讓你下崗！」女子更稱：「呢部車全部人都係去嶺南大學！」之後學生持續單方面攻擊司機，有一名女學生更是講出「咁撳鐘做咩啫？」、「撳鐘落車？真係好笑」等說話，最後司機只好無奈駛回。
事件曝光後，網上議論紛紛。有屯門居民指出，涉事學生誤以為該班車是特別班次指出：「因為佢哋無睇清楚另一張通告，8月29日仲係用學校假期時間表，所以無8:30富泰終點站嘅特別班次，司機大哥係啱架，佢原本係諗住繼續去下一站五柳路」而影片拍攝當日為8月26日或更早尚未正式開學。並有網民質疑學生行為：「騷擾司機開車好大罪喎，呢位呀姐連落車要撳鐘咁基本都唔識，仲喺度嘈嘈閉。」