港人睇歐陽萬成 Jimmy棟篤笑 入場後發現是純英文表演 抱怨後被網友恥笑：睇Coldplay冇陀飛輪聽 精選

香港裔美國男演員歐陽萬成（Jimmy O.Yang）在紅館舉行首場棟篤笑演出「Jimmy O Yang Live in Hong Kong」，一連五場的門票發售一刻即告售罄。但直到第一場表演過後，有網友就抱怨演出內容以英語為主，反而被恥笑！
有網民在觀看完表演後在 Threads 發文：「頭先啱啱睇完歐陽萬成，都唔知佢噏乜，淨係聽得明少少，好心佢嚟香港就準備多啲廣東話啦，一啲誠意都冇。我同成班friend幾經辛苦先搶到飛，點知入到去全部講英文，我哋成班睇完都拗晒頭，但係又要扮明，人哋笑自己又跟住笑，好辛苦，有冇人明？ 🥹」而事主的「討拍」行為不但沒有人身同感受，更是引大量人批評「即係你去睇Lady gaga 要人地唱廣東話歌」、「人地一開始講明用英文啦，怪就怪自己唔睇清楚去買飛」、「硬膠到一個點」，當中更是有人回應「我明呀，果次睇Coldplay仲嬲，無唱陀飛輪」獲得大量讚好。
有網民表示演出海報上已註明「English, seasoned with Cantonese」（英語為主，夾雜廣東話），認為購票時就應該要知道。更有人指出當日歐陽萬成的表演已經有「本地化」：「Jimmy英文的口音、用字及語速都明顯迎合了香港觀眾，基本上有受過英文教育的人都能聽懂95%」、「Jimmy 咬字真係好清晰又易聽」、「睇返佢喺美國嘅video，講嘢嘅方法好唔同，所以佢香港場嘅英文真心有俾心機adjust過。」