G-Dragon澳門演唱會紀念品區 突然殺出警察拉走96個疑似黑工 網民指是黃牛不滿報復 精選

韓國藝人G-Dragon權志龍 周五起，一連三日於澳門舉行演唱會。而今日在開唱前大批網民在社交平台分享，表示在場外排隊紀念品時，大批警員突然進入售賣區，懷疑是調查黑工，最後只有四名員工應付整個場面！
今早在開場前有網民在社交平台上載影片並留言︰「賣賣下突然警察入嚟，帶走咗8成staff，唔知排到幾時！」最後只剩4名員工應付上千計人流，不少人更是表示「第一次見喺大型活動有澳門警察衝入嚟捉黑工」。而有網民亦有分享在買到心頭好後，但被當地警方因調查行動而關閉會場，令他們一度無法離場。
有關今次事件的真相，有網民稱指是黃牛報復︰「個職員話，佢哋琴日捉到黃牛，啲黃牛不憤，玩返佢哋轉頭報警，話佢哋請唔夠18歲定請大陸人落嚟炒散賣MD，報咗警差佬就要做嘢，嚟到叫全部人唔準做嘢，Check晒佢哋身份證。」，網民亦下方回應指員工都並非本土人，「全都都係講普通話」、「佢聽唔明我講嘢」。
而澳門治安警察局透露，今日上午約10時30分，聯同勞工局人員對銀河綜藝館的一場演唱會進行聯合巡查。在活動的紀念品售賣區，當局對參與該活動的本地及非本地工作人員進行身份核查。期間，共調查了96名非本地工作人員的身份，並將兩名相關負責人帶回治安警察局進一步調查。