FB影評專頁因只睇「0.7套」賀歲片被張繼聰鬧爆 事後再撰三千字影評：唔合格嘅電影 精選 推薦

專門評論香港電影的 Facebook 專頁「港唔斷戲」，發文稱只看了「0.7套」今年賀歲片，但最後認為作品不佳就中途離場，指出今年賀歲檔電影票房差是合理。但因此引來有份出演賀歲片《祥賭必贏》的張繼聰更留言「今次係我最後一次睇你嘅page」，引起軒然大波。
影評專頁「港唔斷戲」日前發文指「今年嘅香港賀歲片，票房差係合理」，並提到「我自己只係睇咗三套入面嘅0.7套」，指出今年的賀歲片「真係差同尷尬到睇唔曬……」「真係差同尷尬到睇唔曬……」該版主仲斥責賀歲檔不應粗製濫造，並指今年嘅賀歲片唔尊重觀眾，更在文末稱「2025年對香港電影同戲院，都應該係艱難嘅一年，共勉。」
其後惹來參演賀歲片《祥賭必贏》的張繼聰留言：「今次係我最後一次睇你嘅page。」網民對於張繼聰的行為反應兩極，有人覺得他帶頭杯葛該專頁非常小器：「人哋評論下套戲啫，你就要咁小家」、「老實講，人哋評論下套戲啫，你就要咁小家，話最後一次睇人哋個page。唔啱睇咪過主囉。香港電影唔係盲撐嘅，一點評論都容不下，係唔會有進步㗎。」
而就今次風波「港唔斷戲」於日前在社交網留言道歉，再分享了一張《祥賭必贏》的戲飛照並表示：「失言係自己問題，真係地圖炮咗其他我未睇嘅電影，但電影好唔好就係另一回事，讚鬧都係睇返作品嘅質素，入場！ #祥賭必贏」。
雖然有網民就不滿版主無立場咁快「跪低」，並紛紛留言炮轟他，但沒想到之後寫下3600多字影評，一開首就直指《祥賭必贏》是一部不合格的電影，但亦有稱讚。版主先表示很喜歡電影講「癡迷」，而且「反傳統」十分有心思。不過，他隨後說︰「我特別注重劇本，但香港式嘅賀歲電影嘅劇本，往往係最弱嘅一環，但《祥賭》嘅劇本，撇除上述讚許嘅概念，可以話係去到不堪入目嘅程度。」作開始，並在下文再撰三千字，對電影有讚有彈，最後以「唔合格嘅電影」去總結，不過因為文章略長未能，建議各位有興趣可以自己閱讀全文。