黎彼得開地圖炮狠評伍仲衡「你係咪有病」 指張敬軒、MIRROR「都唔知邊個、唔係歌星嚟」 精選

香港殿堂級填詞人黎彼得，在近半年於所屬公司「環星音樂」的 YouTube 中，擔任節目《玖噏秘笈》的主持人，而在最新一集就以「十年前已斷言流行曲已死」為題，狠評音樂界多位名人！
黎彼得先在節目中直言十年前已表態指「流行曲已死」，這番說話在當時被好友李純恩專引用時，曾惹起軒然大波，他指出當年「四大天王」之後，就只有陳奕迅接棒，他甚至表示：「咩軒仔（張敬軒）呀？都唔知邊個嚟嘅，更加唔好講咩MIRROR，嗰啲更加巴閉啦，但唔好講呢啲，嗰啲都唔係歌星嚟嘅，十拎個跳來跳去又話賣幾千蚊張飛，係唔健康嘅嘢。」黎彼得更指《中年好聲音》是「烏合之眾」，由參賽者、保安都是「養豬」，不過就講《聲夢傳奇》出身的炎明熹、姚焯菲和鍾柔美有潛質，「唔錯架呢幾個𡃁妹」，亦得知炎明熹疑似唔續約而近年冇咩出現。
至於之前的「伍仲衡被炒事件」，黎彼得更是開足火力鬧爆伍仲衡，先批評「你咩料呀？又唔係Manage過咩好嘅Artist，本身唔係經理人，你太太又話好多Connection，即係點呀？你係陳淑芬呀？」、更狠評「你就自卑變咗自大，以為自己嘩，你冇我呢盞燈你就冇機會得冠軍」，又稱對方不戴耳機扮型，「根本就自己屎忽鬼，扮晒老虎魚蝦蟹，講埋啲嘢語無論次」。