麥詩晴發文指收「五十萬上房」工作 另一港姐跳升至百萬 網民：佢十年前就已經係到問人 精選

參選《2020年度香港小姐競選》十強後入行的麥詩晴（Ceci），於日前在社交平台發文，指自己收到一名「娛樂公司經理人」的邀約工作，但內容卻不怎正常！
從麥詩晴的私訊截圖可見，娛樂公司經理人「Sam」先問道：「請問有Job點聯繫你？」麥詩晴就禮貌回覆：「你好呀，請問係乜嘢工作？」而對方即直言：「飯局上房50萬」。而麥詩晴霸氣拒絕並內文寫道：「女演員的工作不包括這些範疇😤call 218五個0 應該能夠解決你的問題🤗🤗🤗🤗🤗 」。她並有向媒體表示無論金額有幾高，她都會堅定拒絕，並表示「做演藝事業並不是貪慕虛榮，做人要行得正企得正」。
而另一回港姐梁雯蔚收到同一內容，價錢更比麥詩晴高出一倍：「飯局 上房100萬」。梁雯蔚同樣將截圖放到threads上，並同樣霸氣回應：「唔好以為個個做娛樂圈都係為咗錢先，呢啲再嚟，我真係見一個post一個。原來我飯局價由30萬升到100萬」
而在梁雯蔚的帖文下文，亦有人指出「Sam」在多年前已經出現：「呢個人十年前已經pm過我lol，仲喺到？」、「哇，同一個人，一模一樣嘅說話，好多年前已經俾佢問過！我諗佢都扯咗有十年皮條」、「亞視一姐都畀呢條友問過」、「呢個人係不斷周圍搵人，連我呢啲普通人都俾佢開過幾十萬價，就知佢係呃人，身邊唔少人俾佢問過」等。