森美開咪還原日本險瞓街事件 表示同中介公司「二次中伏」 自己曾搵到房：以為係5萬日圓，點知係港幣 精選

日前 DJ 森美和老婆陳雅嫻（Veronica）本來打算開心遊日本，但在行程結束打算 Check in 時，卻中介臨時取消酒店預約，需要漏夜四圍撲。事件在當時已經引來討論，而他日前亦回港開咪講解事件。
森美指當日與老婆在京都玩兩天，便轉往大阪入住在中介網站預訂好的酒店，誰知道在出發中途就指預約了的酒店要取消︰「佢（中介）話你間房因為其他佢唔能夠控制嘅原因而取消，係唔關佢哋（中介）事，就話間房冇咗啦，嗰陣係下晝5點鐘。」起初他提早一星期前已繳付了相關費用，且不能退款，加上確認信及相關的號碼亦收到，在如此多重保障下，就算是中介臨時通知取消，依然相信他們會負責任，為顧客向該酒店爭取另一房間，並講當時第一時間是想到「諗住畀晒錢唔使驚啦！佢哋一定會幫你搵房嘅。」
但沒想到因為當日適逢當地連續三日公眾假期及遊日高峰期，大阪附近酒店房全爆滿，中介提出兩個令森美同樣難以接受的「賠償」方案，第一，接受酒店 50 美元的賠償，然後自行另尋酒店；二是中介方另找其他酒店。森美就講︰「我已經畀晒錢，你都send咗comfirmation letter，你畀返呢間酒店我，冇其他選擇！你嗰兩個選擇都唔make sense嘅。」
因為中介網站的失信，森美當時又要尋找中介、又要同時以翻譯軟件與酒店周旋，自己又另一手找透過其他中介網站訂酒店房，在搞了約花了兩小時後，連中介網站提出的「另外搵房」亦未有結果，兩人只好在大阪街頭撲空尋房。而在街上尋房時，老婆曾搵到一間「五萬蚊晚」的酒店，不過森美當初聽是以為是日圓，本來想 Say YES 時，老婆卻講出「係5萬港幣，真係住？」，令他當時哭笑不得，兩位拍檔小儀同梁嘉琪聽罷都嘩一聲︰「總統套房嗎？」森美笑稱︰「地球保衛者套房。」森美其後接受傳媒訪問回應時，亦指「佢唔係嗰啲正統酒店」。
未找到房間前老婆曾在相同中介網站碰碰運氣，竟發現還有一間房可訂，於是森美火速過數確認，怎知又一次中伏被取消。他並講到最壞打算在網吧或入住時鐘酒店過夜，雖然老婆對時鐘酒店極之抗拒，不過在情況所迫下只能嘗試一下，但到達後才發現連時鐘酒店的房間都full晒。 雖然最後幸得朋友幫助才入住，森美此借此事提醒大家，就算收到中介網站的確認信，安全起見最好親向酒店發電郵再確認，以免重蹈他的經歷。