顧客於 AEON 爆笑留言問「點解啲嘢要錢」 店長高 EQ 回覆獲網民激讚 精選

AEON 最出名就是一直保留了其「顧客心聲」留言區，除了客人會留言外，店長亦會如同筆友親自回話，了解顧客的意見及問題。而日前就有人於網上發文，指自己見到有人留言問「點解啲嘢要錢？」，如此惡搞的問題，亦獲店長本人親自回應！
根據相中，客人在留言寫到「請問點解啲嘢要錢？我屋企嗰啲係免費㗎喎，你係咪以為我好好呃？」，雖然有人質疑該名顧客「玩嘢」，但客主依然盡責任回態「本店是一間零售百貨公司，所有物品均需付款購買，明碼實價，童叟無欺。家中的東西均是免費，想必是閣下的家人已付出金錢購買，而沒有向你討回相關金額」。店長又請對方「珍惜家人對閣下的關愛」。
而照片被轉貼至社交平台後，網民激讚店主的回應，指「玩嘢都可以覆得好得體」、「呢個店長猛料」、「店長回覆得很好」。在今次事件爆紅後，有人搬出早前有顧客提議「用 AI Robot 取代店員」的留言，同樣亦獲「神回覆」。
[/img]