疑似趕違泊落貨不成 鎖車保安直接「躺平處理」 精選

不少貨Van司機為求便利，都會直接找個位置泊車落貨，最近有網民就在社交平台發布照片，指一輛貨車在一屋苑範圍內停泊落貨時，因為保安員上前驅趕但不果，直接訓在車前擋住貨車離開。
根據本文講述，指該貨車於屯門龍門居違例地方上落貨，因為保安驅趕無效「直出大技瞓低」，從相片中亦看到一名穿住襯衫的男子躺在地上，疑似想以「螳臂擋車」防止違泊司機離開。

而文中有人講述事件來源「事緣係個貨車佬想落貨，但係落貨位冇晒所以佢泊咗喺度之後有保安同佢講呢度唔得貨車佬話落件貨好快啫，之後個保安吹雞叫咗好多人嚟瞓喺度嗰個鬼鬼鼠鼠想鎖車，貨車佬準備開門上鎖車嗰個及瞓咗喺度，我心諗人未走 你鎖咩車呢？我覺得保安職業操守好有問題鬼鬼鼠鼠，屋苑貪320？ ps我全場直擊路人甲」。

網民在文中笑言「好計好計！技出36計之外」、「司機大佬應該同佢做人工呼吸啦，一定彈起加問候你」、「冇撞到佢嘅話，照走由佢瞓」、「瞓喺度，又可以交差，又唔使同你有衝突，一舉兩得，幾好呀」、「學埋啲衰嘢」