YouTuber「床哥」駐校實習社工僅開工兩日被辭退 拍片轟「唔公道」 精選 推薦

YouTube 頻道「JFFT」成員「床哥」陳鈺麟，昨晚在 Instagram 發布影片，拍自己在一間中學擔任實習駐校社工第二日之後，突然收到學校的來電，指實習中學的老師「聯署」要求他離開。
床哥昨日在 Instagram 發表長達 9 分鐘的影片，在目前就讀港專的他表示，在事發中學的輔導主任，有了解他作為 YouTuber 的背景，並事前已經諮詢過副校長意見，才會同意他在這間中學實習。床哥亦提到副校長在他工作第一日都向他表示，知道每個人都有不同的一面，認同他具備專業資格是以「實習社工」，而非 「YouTuber」的身份來校工作；他講到有遇上學生以「床哥」稱呼他，但他會更正對方「希望大家叫返我做陳 Sir。」
之後他指在上班同兩天亦未有特別事發生，他都只是「幫手做吓 group」，在學校都主要在社工房處理文書工作，以及在小息跟學生聊天。但卻在昨天下班後收到院校的來電：「佢提到我實習緊嘅中學，有老師聯署要求將我撤離」，並表示要另行安排其他學校的實習崗位給他。
他就對此不解：「我到底做咗咩壞事，犯咗咩法，要成班老師聯署？聯署喎！」，更講到自己在工作數間更無任何老師主動與他及其他實習社工談話，指：「對我有唔滿意，點解你唔嚟問我？點解你唔嚟了解下我，了解下陳鈺麟係一個咩嘅人？」對於自己不公的對待，床哥認為「今日係我人生咁多年以來，遇過最唔公道事情嘅一日」，更講：「係咪作為老師，就好容易去定義一個人？假設一個人犯法，係咪佢呢一世都係犯咗法的人，冇可能更生？更何況我冇犯法，我只係一個 YouTuber，間中拍吓片、搞吓笑，just for fun」。