極黐線？抖音拍片求「俾廿蚊搬入婆婆公屋」 全程騷擾停不了！ 精選

常常一講「抖音一響父母白養」，在抖音上經常會有各種奇人拍攝奇事，而日早就有一條影片，就有一名男人拍攝一名婆婆，疑以「俾廿蚊」為由，希望可以搬入婆婆公屋一住。
影片在抖音以「為去佢屋企住就可以同佢親密接觸，點知咁都俾人拒絕，原因係我唔夠靚仔」為題，在影片中自稱「潇洒哥」的男子先講片中婆婆家中環境不整潔，婆婆回應會收拾後，男子就在講：「到時妳執完，我搬上嚟住喇喎」。婆婆聽到後馬上回應：「閘住，南昌邨唔可以收留你㗎，你講笑啊？房屋署公屋唔可以收留人」，但男子未有放棄，大言不慚講：「我同你一齊住咋喎……我咪瞓廳咪得囉，妳瞓房咪得囉」、「或者我地有機會有一齊」。
婆婆接下來亦開口反抗：「做咩你搞我啊？唔好搞！」，男子則追問：「無話搞你，咁我去嗰度瞓下覺啫，我唔想租酒店啊嘛」。在婆婆連環拒絕後，男子就講到要求婆婆返還之前給予的廿蚊，婆婆表示會歸還後，男子卻不死心問：「我住一兩晚咋喎」。

而在筆者找資料後，發現該婆婆曾在 80 年代於 TVB 擔任女演員，而這名「潇洒哥」就是多年前在深水埗一次隨心拍攝時認識婆婆，並以拍攝對方雙方在中國意外爆紅，婆婆則以「香港演员赵美华」的稱呼成為抖音上的網紅，吸引到不少人親身去找她拍攝，但不少人認為「潇洒哥」今次的行為是踩過界。