TVB司機大爆「一線男藝人」無品行為 扮豪爽只俾兩蚊凍飲錢 精選

森美、阮小儀及梁嘉琪主持商台節目《早霸王》，近日開新環節《What the工》讓打工仔自爆打工辛酸。有自稱前 TVB 外判司機打電話上節目訴苦，指曾經有一名「一線男藝人」未紅前的各種惡行，更有扮豪爽等經歷，令人猜測這名藝人真身到底是誰。

該名自稱曾做 TVB 外判司機的黃先生指，自己曾經駕駛外景車接載無綫藝人，指一名「一線男藝人」未紅時曾經有過不快的經歷：「佢拍完嘢上車瞓覺，成個人打橫瞓喺後座，腳就晾喺腳踏位，車門又唔閂。」，再補充：「有次出外景拍飲食節目，要喺馬路中心落車，其他人落晒車，但佢仲坐喺中間繞埋手，擘大對腳坐喺度，咁我咪開車，佢突然好大聲鬧：『你做乜嘢呀？我都未落車！』我心諗，一線都冇你咁樣啦！」
除了性格大牌外，他更指出該名男藝人的孤寒行為：「有次出外景，大家去餐廳食飯，有30蚊飯錢津貼。「一線藝人」心情好，喺現場大大聲話『今日我包底』咁我哋咪照食。」但事後男藝人居與劇務講：「呢6個（黃先生與他的同事）唔係直屬TVB員工，點解要請呀？」，劇務之後同他講：「唔怪得之，佢（男藝人）以為我呃佢錢啦！」，而他當時亦回應劇務：「唔緊要，每人都係凸十幾蚊，我畀夠20蚊一個，6個人即係120蚊，多咗我請佢（一線藝人）飲茶嘅，唔好咁小器！」

在之後另一位同行聽眾「阿M」亦致電上節目：「佢講嗰個（一線藝人），未必一定係我嗰個。有次我出 crew 拍一個節目，中間時間大家食飯，個星心情靚話下午食飯佢萬歲。咁大家好開心啦，車長都一齊食飯，點知佢話：『飲嘢我嘅，車長！』嘥氣啦，凍飲加2蚊，我哋自己畀啦！」，森美在聽完之後亦笑著回應：「呢啲一線好嘢喎！精打細算！」
至於「一線男藝人」是誰，在節目播出後眾説紛紜，不過在節目中兩名主持都指出，陳豪同馬國明一定不在候選人中，只能交給大家猜想了。