幕後大爆TVB藝人真面目 激讚陳豪、袁文傑 「老千嘩」被批「西」 精選

許多人都會懷疑藝人在畫面前的性格是否真性情，而近日一名在幕後工作多年業內人士「羅人」於 Facebook大揭秘，對 TVB 部分藝人有讚有彈，更暗示出自己心中的「西人」名單。
「羅人」於帖文中表示TVB好多藝人都好nice，認為佢哋都係打份工無需要扮嘢，其中他就點名大讚陳豪、馬國明、陳煒、佘詩曼、歐瑞偉多人，認為他們都是無需多言去解釋的好藝人。當中「羅人」更詳細講到洪永城及袁文傑兩人。指與洪永城首日拍廣告期間，「真人幾靚，唔扮嘢，好記得第一日拍，佢笑笑口同我講：你有乜要吩咐我做，我就點做，我都唔知點答佢，拍完佢仲萬歲，一個吾難相處artist」；而袁文傑就是「佢又係唱片友，佢甚麼音樂都聽，佢聽嘢好勁，識好多唔同類型嘅音樂，佢同我一樣，都係阿仙奴fans，同佢吹水，真係可以吹足一晚。」另外，又表示已故嘅曾偉權都好nice好好人。
而該貼文亦被袁文傑親身分享並回文：「我沒有飛黃騰達，亦沒有大紅大紫過，但一直下來，總算累積到不少知音，能夠在空氣中、網絡世界，同憂同喜，我想，這樣子能夠繼續走下去…我自求我道！
*多謝post內各位的留言，雖然並非全都提到自己，但對自己來說，已是不能要求更多之鼓勵，感激！多謝！😊🙏🏻」以表示感激之情。

不過所謂「有讚亦有彈」，「羅人」除了點評了自己喜歡的藝人外，亦指出不喜歡的：「ｘ嗰d就費事講啦，甚麼007、短腳蝦伉儷、痰+池、老千嘩、周街鱷呢啲，不提也罷」，不過因為該批藝人未有正名，因此令唔少網民都好奇他們的真身，這裡就交給大家自行想像了。