不正常愛情研究所｜Jojo 黃紫恩被靚仔魔術師催眠 更指事後斷片 精選

今晚 TVB 清談節目《不正常愛情研究所》，由麥惠琪（Susuca）、文頌男（Koba）及 3 位 J2ers 黃紫恩（Jojo）、胡敏芝（Karen）、陳國麟（Doniven）擔任主持，研究題目為「溝女魔術雞精班」，滿足一班想藉魔術識女仔的男士，當中 Jojo 更會講出自己被催眠的經歷。節目中 Jojo 自爆在兩年前，有一日在尖沙嘴海旁，見到兩個外國男士邀請她做一個催眠魔術，當時 Jojo 就見他們兩人生得靚仔，於是就答應對方。誰不知對方卻在閒話家常中，突然在 Jojo 耳邊以用手指一噠，她即刻呆坐當場，Jojo回想當時情況說︰「之後無郁過，過咗好耐個朋友最後唔知點叫醒我，問我記唔記得發生過咩事。我話唯一記得係前一秒同魔術師講完嘢，下一秒就朋友同我講嘢。」Jojo事後回想當時感覺是呆跟攰。Jojo 還透露兩位魔術師曉得讀心術，「其實傾偈嗰陣，有位魔術師忽然問我鍾意邊個外國明星。唔知點解我明明唔鍾意Michael Jackson，嗰一下突然講『Michael Jackson』。跟住佢拎起平板電腦，問我『係咪呢個樣』，exactly就係我諗嗰個樣。」情節猶如荷李活電影《非常盜》。事後朋友從網上得知，該二人是網上有名的催眠魔術師，有數萬名followers。