張致恒問粉絲借錢生仔 雯雯踢爆大話：全部我自己俾錢 精選

「離婚界KOL」張致恒（Steven）與老婆雯雯的風波一浪接一浪，在月初張致恒宣布返新工，以維持自己「好爸爸」的形象，但因為日前張致恒在 IG 與網友引起罵戰，引爆出他曾以「老婆要去私院生仔」為由，多次向粉絲借錢，而更被雯雯踢爆全部都是大話。

張致恒日前在 IG 與網友引起罵戰，就有一個稱是前粉絲的人留言：「我曾經當呢個人係偶像，但佢連fans都唔放過，一次又一次咁問我借錢，原因就係因為老婆要去私家生仔。你問下佢記唔記得我係邊個吖！搞到今時今日咁，係邊個造成？曾經接濟過佢幾多次，對佢失望過幾多次。你哋會明真心當佢係偶像，對佢好，然後換嚟傷害嗰種感受嘛？佢有無同粉絲道歉吖？一句都無呀？而家扮哂可憐！」雖然「老婆要生仔」此事看起來情有可原，但雯雯今日就在 IG 發兩篇限時動態，當中指自己生仔四次，第一二次在私家醫院都是由她家人付錢；而第三四次那怕是在公立醫院幾百元都好，張致恒都未支付過一分一毫。而張致恒要借錢生活，的確是為屋企，但雯雯強調不要將責任推在她身上，她要照顧小朋友而不能外出工作，已經用盡所有方法可以又照顧到小朋友又能賺錢。並指網友「無知嘅人淨係識得鬧，亦都有人淨係覺得佢為咗屋企已經付出好多」，叫大家搞清事情的真相才好搞對要鬧的對象。雯雯又說：「生唔生小朋友，已經同佢係一個值唔值得嘅男人冇關係，最重要係我會係之後嘅路努力照顧好佢4個。」，強調自己只想當一個好母親。