Edan 呂爵安回應林明禎緋聞 承認兩人曾在歐洲飯聚 精選 推薦

男團 MIRROR 成員呂爵安（Edan）在日前被爆與「大馬女神」林明禎姊弟戀，一時轟動華語圈。而日前 Edan 本人亦現身尖沙咀一商場出席品活動，引來一班傳媒就此事追問。
被記者問到兩人緋聞問題，Edan 就回應：「呢排好多人恭喜同祝賀我，話我好叻仔，出道咁耐都未試過畀咁多人讚，搞到我以為係奧運選手為港爭光，哈哈！不過人哋係女仔，牽連到人哋唔好，所以要澄清冇拍拖亦冇歐遊」不過 Edan 亦講到兩人在歐洲有飯聚：「不過我有去歐洲工作，明禎咁啱亦喺歐洲，有約過佢食飯，咁樣畀人誤會。」他承認私下跟對方有聯絡，事後亦有傳短訊給對方講不好意思。
被問到可接受姊弟戀時，表示年紀不是問題，最重要是適合，而明禎就以「我好欣賞佢，有睇佢嘅作品」回應，記者追問兩人會否發展關係時 Edan 就講到：「唔敢諗，我驚畀人打，馬來西亞、台灣一齊打，依家我專心工作先。」亦講到連 MIRROR 團中亦未有相信兩人有關係，就笑著回應：「你哋再挑釁我，我就（追明禎）證明畀你哋睇。」最後問題 Edan 覺得有沒有可能順理成章時，就用「乜嘢都有可能，不過唔好搞咁多嘢，專心工作，隨緣啦，得咗話你知。」