黃秋生承諾「一萬個 Like 拍動作片」 秒速達標獲網民支持：大師兄攞一萬個支持容乜易 精選

影帝黃秋生近年因為年事已高，演出作品大幅減產，但依然入圍無數獎項。而日前他就於 Facebook 發文指自己有意拍動作片，但需要網民支持。
黃秋生於 Facebook 發文「想唔想再睇我再拍動作片？其實我自己都驚。如果有一萬個支持，我就拍。」並強調「唔係港產」並配上英文寫明「not HK production. 」，同時他亦很搞笑講到「也絕對不是色情狂想像那些。（ 其實超出我而家能力之外，如果做，我係同佢死過。袁崇焕話齋，X那媽！頂硬上！）」。
而發文獲得大量網民支持，在中午時已經超標達成，目前貼文已經超過 22,000 人讚好。網民留言支持秋生拍戲，例如「好老實咁多套葉問你嗰套最好睇。梁朝偉演緊自己，甄子丹都係演緊自己，得你係演緊葉問。希望你有好戲開」、「你拍咩類型嘅戲，我都會想睇的」、「大師兄攞一萬個支持容乜易」。
有網民表示反對話「唔支持, 動作片留返俾後生仔做啦. 年紀大左, 夾硬來搞到唔上唔落, 就核突啦.」，之後獲得本尊回覆：「係咩？唔做就話唔得嗱？呢啲就係成功同失敗嘅分别。就算失敗，人生總算盡咗力。」