黃夏蕙拍片公開身體狀況下滑 辦最後派對望與所有子女見最後一面 精選

現年92歲黃夏蕙，在前年移民美國生活後，近日回流香港，向來以 Party Queen 聞名的她宣布將會開一場最後派對，並表示因為自己年事已高，希望可以見到一班仔女。
黃夏蕙近日於 Facebook 以「最近我覺得身體狀況明顯下滑，好想同外國嘅仔女，一齊影張合照，好心同大家分享，隱藏係心入邊嘅一啲說話」為題。片中她先講了她與胡百全的感情史，雖然她與對方共育有六名兒女，卻因為胡百全為有婦之夫，一直都只是有名無份。而在影片中夏蕙姐就講兩人相當甜蜜而深愛對方，一到放假一家人就會一齊去街，並講「佢愛我愛到夜晚黑都一路打電話嚟，即係每日都係都會打。」
提到仔女方面她就講到：：「希望自己能夠長啲命，可以做多啲嘢，最近我覺得身體狀況明顯下滑，好想同外國嘅仔女，一齊影張合照，好心同大家分享，隱藏係心入邊嘅一啲說話。」於是就宣布將於本月28日舉行最後一場派對：「希望仔女能夠見我一面，因為時間無多，因為我都已經係90幾歲，我呢個慈善基金『夏蕙之家』都要交俾有緣人去做。」
談及死亡她亦敢言：「呢一年覺得自己有心無力，可能因為年紀太大。百年歸老之後唔會火葬，將遺體送晒俾醫院，俾人做有用嘅嘢。」並講自己雖然怕死，今次派對完結後就會去做身體檢查。最後她亦表示到「唔會再去外國，因為我屬於香港」。