陳秀珠霸氣回應被影射「連劈六富豪未婚懷孕」 嘲諷鄧兆尊：做啲有建設性嘅嘢啦 精選

早前鄧兆尊在另一網上頻道《娛樂好好玩》指，某女星曾同時與6個富豪交往，後來意外懷孕一事，事件一出，令多名女星被迫發聲，在波及張慧儀後，陳秀珠於日前再被記者問話。
事件始於鄧兆尊在節目中講到：「以前有一個女星，佢同時交往咗四至六個有錢佬，無啦啦就有咗，跟住問我依家應該同邊個、點樣攤牌，我話呢啲冇得攤牌，你唔好諗住佢依家有咗，佢叫你驗DNA，你驗咗邊個出嚟，你同時期㗎嘛，你唔好諗住漁翁撒網六個一齊收錢，卒之佢成功，搵到六個收錢，但六個都唔認頭。」但因為僅僅暗示對方身份，令一眾女星慘被地圖炮波及。
在早前被列為為嫌疑人物的張慧儀不得不發聲：「嗰一下，我係非常之嬲……大家有冇諗過，對嗰個小朋友係有幾大嘅影響！你好好玩咩？好好笑咩呢啲嘢？」雖然鄧兆尊就否認張慧儀係事件主角並願意道歉，但事件並未因此完結。
另一位一直被指嫌疑人的陳秀珠，日前為ViuTV新劇《麻甩媽咪》出席宣傳活動，因為她自己都是獨力湊大孩子的媽媽，自己就被記者問到是否其人時，她就霸氣回應：「我想勸佢不如做多啲善事啦，話晒佢阿爸都係一個慈善伶王，佢又咁多錢咁多時間，就唔好講呢啲嘢啦，做啲有建設性嘅嘢啦」。