陳啟泰重拍《百萬富翁》 著黑色西裝問問題玩轉街市 精選

當年陳啟泰擔任《百萬富翁》主持爆紅躍升「亞視一哥」，但如今亞視不再後他亦回到內地發展。而日前他在小紅書上傳新片，可以見他穿上黑色西裝重拍了一條仿《百萬富翁》的短片。
現年 59 歲的陳啟泰，在1998年過檔 亞洲電視拍攝《我和殭屍有個約會》因為扮演「山本一夫」獲關注，再被高層睇中擔任《百萬富翁》主持，可以說在《百萬富翁》造型或多或少都是參考了「山本一夫」的西裝加眼鏡。
而今次在小紅書及抖音發布影片，本來一身「街市佬」裝扮的他就被客人為難，就講出「你逼我問問題？」，就換上黑色西裝在熟食檔展開《百萬富翁》，先講出第一個問題包括：「一斤等於幾兩？A：一百兩、B：半斤百兩、C：十兩、D：二兩」，於是客人就講出經典「我要問家庭觀眾」但追問無果後，陳啟泰就講「數學唔得，咁問歷史」，「金庸印象最深刻是？A：郭靖、B：黃蓉、C：小龍女........D：尹光」，令問題變得極搞笑。
雖然今次影片只是搞笑性質，但依然吸引不少人留言「真心好希望重啟百萬富翁」、「想當年嗰句Slogan：眾望所歸，無得留低」、「以前非常喜歡看百萬富翁」、「好好笑，如何可以忍住不笑場」、「哇，我哋嘅童年回憶啊」、「回憶殺」等等。