「阿燦」廖偉雄自爆去年中風險癱 口腔突現腫脹、下顎僵硬麻痺 精選

憑經典劇《網中人》「阿燦」一角成名的廖偉雄，直至 1990 年放棄演員身份，改為從商。直到他在去年曾經在《福祿壽訓練學院》重返TVB，獲得「扮嘢界榮譽博士」榮銜，當時佢更感動到淚灑人前。日前他就在個人YouTube頻道「燦神龍場」中自爆健康響警號！
廖偉雄表示，去年11月底時，發現自己左邊下顎僵硬及麻痺，懷疑自己自己疑似中風先兆，食咗藥之後好返啲，但幾日後食嘢嗰陣又好唔舒服：「個人好攰同埋唔想講嘢，跟住開車返屋企，喺車度瞓，瞓瞓吓突然感覺好急屎，頭頂又唔舒服，一摸突然發現有粒嘢腫咗出嚟，口唇裡面又脹漲咗，成頭好似人哋練九陰真經咁，一嚿一嚿腫脹咁。」
到12月的時候，他突然感到左腳失去知覺，冇力支撐，他謂︰「係完全冇知覺，大鑊啦，死喇，中風呀！」當時在他一旁的朋友就問到用不用看醫生，但廖偉雄自己食藥後就通啲氣血，隻腳行得返。但沒想到兩天後情況再度發生，他說︰「一瞓醒，隻腳又冇力。」其報他發現左腳肌肉「縮晒水」。
廖偉雄指自己曾於2023年進行體檢，當時報告就指沒有發現問題。於是他懷疑早前撞傷臂部，睇跌打醫生後雖然去瘀，但其實內傷未癒，加上睡覺時壓着左邊神經，才導致左腳出現的問題。他說由發現問題至今兩個月，試過多種治療，最後他選擇中醫，包括推拿、針灸，但補充：「中風係冇預警，佢話嚟就嚟㗎啦。」他認為之前能逃過一劫，主要是隨身携帶藥物。但他不會公開是甚麼藥，「最好你哋自己問返醫生。」