鍾發怒轟成龍拍攝《警察故事》時 李健生受傷昏迷時完全無視：所以我爆大鑊！ 精選

資深武師「洪家班」鍾發因為其身份與地位，與不少藝人同為好友。而他在日前大爆曾志偉曾約食飯，但自己從內地回港隔離完之後，對方竟然放飛機，直言與對方絕交之後，鍾發又再炮轟成龍無好好善待一班兄弟！
鍾發近日接受YouTube頻道節目《威哥會館》訪問，當中提到「成家班」不得不感謝洪金寶提攜，並多次大讚對方，指他係一個好大哥，好識去捧人，發掘每個成員嘅特色，令洪家班每個人都能獨當一面。但在這時，他將話鋒一轉，更大爆當年拍攝《警察故事》時，「成家班」成員李健生因拍攝驚險場面受重傷昏迷數日，期間作為負責人竟無人理會！
李健生從雙層巴士上層車頭位置插水式從頭跳落地下受傷昏迷，但無人理過佢：「你都無人理他，所以我就爆大鑊，我就鍾意，等佢牙X擦，等佢走過嚟同我傾呀，我絕對有權同佢講呢啲嘢。」他並指成龍沒有自己的武師班底，靠的全是別人：「成龍你冇你班底，你好好咩？成龍你冇洪金寶，你能返得轉以前咁，一部搶包山你差啲死啦，拍一部《飛龍猛將》塑造你嘅警察故事，食到依家。」

鍾發直言「成家班」兄弟多年為成龍出生入死，卻落得傷病纏身、生活艱難的下場：「火星最慘嗰個，張華、火星、李健生個個都辛苦」，他並指成龍就算搬出自己千分之一的資產，都可以照顧這班兄弟。