鄧兆尊爆圈中女星車爆釣六富豪 未婚生子後全拒驗DNA畀錢甩身！8大線索你又估唔估到？ 精選

鄧兆尊在 YouTube 頻道《娛樂好好玩》最新上架的一集中，跟主持人吳家樂和謝遜大談城中熱話人物、大生銀行主席馬清鏗情婦「五索」事件時，又透露曾有一名圈中女星同時腳踏六條船，周旋於六名富商之間甚至未婚生子，最後卻沒人願意承認是孩子的父親！
在討論五索事件後，鄧兆尊說：「以前有一個女星，佢同時交往咗四至六個有錢佬，無啦啦就有咗，跟住問我依家應該同邊個、點樣攤牌，我話呢啲冇得攤牌，你唔好諗住佢依家有咗，佢叫你驗DNA，你驗咗邊個出嚟，你同時期㗎嘛，你唔好諗住漁翁撒網六個一齊收錢，卒之佢成功，搵到六個收錢，但六個都唔認頭。」

吳家樂追問女星身份，鄧兆尊透露對方是跟他們同輩、曾跟吳家樂拍戲、未婚有小朋友。由於不少網民留言估楊思琦，鄧兆尊就列出 8 大線索︰「唔係！唔係港姐嚟」、「拍古裝比較多，時裝就少啲，身材好fit！講晒！」至於是否陳彥行，鄧兆尊直接否認︰「行姐咁蠢，點會做呢啲嘢。覺得自己聰明嘅女人先會做呢啲嘢，佢嗰時同我講就係話，『我有咩男人未見過吖？有咩人我hold唔住？冇人可以喺我胯下捱到15分鐘』。以為有咗小朋友，點都勾到一個！」

1. 與吳家樂、鄧兆尊同年代
2. 曾與吳家樂拍劇
3. 不是港姐
4. 未婚但有小朋友
5. 拍古裝多於時裝
6. 身材好Fit
7. 現時兩地走
8. 姓氏為陳、李、張、黃、何五大姓之一

就上述線索，不少網民猜張慧儀或者陳秀珠，不過張慧儀那個是養子，並冇懷孕；而陳秀珠僅是落選港姐，又與鄧兆尊、吳家樂交情不淺，不過陳秀珠於80年代已出道，又似乎非兆尊所指的「同年代」有所差距。