貪心男女火鍋放題「又食又拎」 巨量生蠔海鮮肥牛全部入袋袋走 職員婉轉勸言：係咪唔覺意擺咗嘢食落袋 精選

荃灣廣場一間放題火鍋店日前發生風波，一條拍攝到一對男女顧客在用餐時，被職員當場揭發將大量食材放入環保袋準備帶走的影片社交平台瘋傳。
片段是相信來自店員隨身攝錄機所拍攝的短片，影片可見店員走近一張兩人枱時，禮貌地向一男一女的客人提到「唔好意思啊，CCTV打電話落嚟，見到係咪唔覺意擺咗啲嘢食落個袋到？」兩位顧客第一時間未有有承認直到職員非常客氣勸喻：「麻煩攞返出嚟，因為睇住我做緊嘢，攞返出嚟就簡單啲，因為食物衞生啦始終都，食到全部可以係度食」。
在再三勸喻時，男子終於肯交還食物，先從環保袋取出一個載有海產的透明膠袋，令店員大為震驚之時，接連徒手抓出肥牛等食材放回檯上，「仲有啲蝦呀盛，不如成盒攞出嚟好嗎？始終都要保障返顧客㗎嘛，食幾多唔緊要嘅，我哋大把時間，但係就唔可以攞走嘅，因為張貼晒出嚟，麻煩晒。」男子最終將整個環保袋交予職員，職員感震驚並反問「成袋呀？」，其後店員將所有食材放在枱面檢查，當中包括括肥牛、兩包出前一丁，以及生蠔、蟹和仍然很生猛的蝦等海鮮。影片馬上引起不少人討論，兩位事主被網民批評「應該要報警啦，擺明已經係偷野」、「愈來愈多無恥之徒」、「真係要搵窿捐」、「肉酸，失禮」，而店員冷靜處理的態度亦被讚許指他「嗰位員工嘅處理手法同語氣都幾專業」、「職員講嘢十分大方得體」。