老翁坐九巴投幣享用兩元優惠不果 向司機爆粗發爛渣反被一句 KO 精選

運輸署在 9 月時正式推動新例，過往可以長者八達通享用兩元乘車優惠，改為需要以本人名稱申請的「樂悠卡」才能享用，否則只能享半價優惠。而日前一名長者疑因直接在錢箱投入二元享用優惠被拒，繼而與九巴車長發生口角，期間更不斷以粗言穢語辱罵司機。
影片最初於 Facebook「屯門公路塞車關注組」發布，上傳者配文「兩蚊優惠入兩蚊落個錢箱度咩玩法，我撐司機呀」。在約 2 分鐘的影片中，一名長者被車長疑因直接在錢箱投入2元，打算享用優惠時被拒後發生口角。
雖然同場有另一名九巴職員勸止，老翁稱自己遺失了樂悠咭和身份證需時補領，而司機就按規定要求他補至半價車費時，老翁就回答「我得4蚊，都唔得？」，職員回應：「公司要求㗎，唔得㗎」。
接下來老翁見上車失敗，於是不斷爆粗指司機「你嘈乜X嘢啫？扮X晒嘢，2蚊雞同我拗？我80歲人」、「係你呢個死人乞衣管」、「我X爆你！」，司機則笑着回應「我喺呢度，你X啊！」其後老翁與司機不斷來回「我X你」與「你X啦」的對答中，最終長者在車上一名懷疑同行乘客勸說「一人少句」下被拉進車廂，車長關上車門，影片至此結束。

影片引來網民熱議，老翁的行為先是被批評「成X日恃老賣老」、「二元優搭車惠需要用樂悠咭先可以用，不是用長者咭或身份證可以用」、「兩蚊優惠只限卡，銀仔唔受㗎師兄」；而司機擅守規距的行為被讚賞「撐司機！」、「司機好嘢呀！」、「Respect司機，仲要繼續開車冇影響乘客，正常第二個都拉手掣call電台過客」，不過司機忍不住講粗口一事亦被認為是敗筆，「車長揸正嚟做冇問題，但係車長輸蝕就係講粗口」、「個司機咁激動都一樣蝕底，會俾啲管理層照肺」。