網民質疑AnsonKong新歌MV抄BTS瞓棺材 引本人回評：我點解唔可以做自己喜歡嘅事情？ 精選

MIRROR成員江𤒹生（Anson Kong）昨日上架了新曲MV《心死了幾百次》，當中故事講AK的靈魂出席自己喪禮，其中因為 AK 有瞓棺材一幕，令網民在社交平台留言，貼相質疑MV有抄襲之嫌！
有網民在觀看完《心死了幾百次》的MV後，就於Threads發文：「上次抄完Jungkook 《Standing next to you》，今次就抄《Seven》瞓棺材，點解可抄到咁明目張膽？仲要次次抄同一個人同一隻碟🙈第二張相嗰個都係Anson Kong嚟，唔好誤會👌🏼」，結果引來本人回評：「你都明目張膽地亂咁噏😂 咁我點解唔可以明目張膽地做自己喜歡嘅事情☺️」。
而該名網民所指就是BTS成員柾國(Jung Kook)，於前年推出單曲《Seven》MV中，Jung Kook 從棺材死而復生的一幕。
之後，該網民繼續留言話：「你喺演唱會都唱過JK首歌，有睇過佢啲MV，你鬧我亂up冇問題，你鬧我定叫班fans嚟鬧我都唔介意，你同你隊crew過到自己良心就得🙏🏼問心，我對你個人冇意見，但做得藝人，做得創作，reference咗幾多，條界線喺邊，如果真係有心做創作嘅必須要搞清楚。希望你明白我講緊乜。🙏🏼」，AK就再反擊留言：「你嘅意見我已經接收到 呢度有一拃沙 送畀你」。不少網民留言力撐AK，認為「憑一個鏡頭就話人抄襲，你連抄襲嘅定義係乜你都未搞清」、「呢個世界唔止K-pop，有瞓過棺材嘅mv都有好多」、「咁凡拍殯儀同葬禮場面都係抄」等回應。