「東張女神」梁敏巧搭頭等霸王車被放行惹公審！網民狙擊「無知唔係藉口」 開Live反擊：成件事扭曲晒 精選

《東張西望》女神梁敏巧近日因搭東鐵頭等車「霸王車」事件，意外成為網民公審焦點，引來不少網民質疑她有「特權」，更有網民拍下她被帶離車廂的過程，批評「解釋等於掩飾」。梁敏巧見到公審後氣憤難平，昨晚開Live反擊，逐點澄清。
她早前分享自己因車廂擁擠誤入頭等車，使用Alipay付款但未在入閘前正確設定，無法補差價，被港鐵職員發現並帶離車廂。她自爆承認「無知」，職員檢查紀錄後酌情放過，未即時罰款1000元。她頻呼「好醜怪」「認樣衰」，並強調初衷是提醒大家Alipay搭頭等需入閘前選定，以免被罰。事件曝光後反被網民留言炮轟：「作為東張正義女神應該交罰款做好榜樣」、「無知唔係藉口」、「因為係Maggie就放行？」、「我上次同樣情況都要罰，點解你唔洗？」更有網民拍下她被帶離車廂的過程，批評「解釋等於掩飾」。
梁敏巧見到公審後氣憤難平，昨晚開Live反擊，直指成件事被扭曲晒。她強調自己並非「走數」或仗特權，港鐵執法有酌情權，先查過往紀錄及態度，若解釋合理可獲放過。她重申戴帽口罩未化妝，被職員稱「小姐」，不確定對方是否認得她：「都係嗰句，要罰的話我從來願意接受，冇講過自己係公眾人物而得戚。」
並怒斥：「有人話無知大晒？咁以後好似Maggie咁捉到唔使罰錢啦。」Live中她語帶哽咽展示事件經過，強調原意只是分享錯誤提醒大家，避免類似情況，並呼籲理性討論：「只係我有責任交代清楚，我唔想港鐵職員被誤會，亦係今次開live交代清楚原因。你有錢都冇用，唔識俾錢都係冇俾過錢，大家要小心啲。我阻止唔到大家點諗，我要講嘅係咁多。」