安德尊、鍾志光數臭TVB龍舟隊包尾 去年已與王俊棠留牙齒印：一手累全家！ 精選

端午盛事沙田龍舟賽昨日於城門河舉行，而TVB每年除了會直播賽事外，亦都會派隊參加龍舟賽。而過往成績不太好的TVB隊，今年繼續由「御用惡人」王俊棠帶隊上陣，不過就因為成績不好而被兩位主持炮轟！
今年TVB隊依舊由王俊棠帶隊，而一眾隊員賽前受訪表示信心十足，不過在直播室內的安德尊「話中帶話」就說：「棠哥係我哋TVB龍舟隊嘅靈魂之首，但每年我都寄望佢係勝利靈魂之首，但每年都未能勝出，咁樣係咪有啲難受呢……點都好，正面啲同佢打氣。」
比賽一開始TVB隊就大幅落後，全程未見起色，最終成績「再下一城」，由去年尾二衝線，今年最終包尾收場。當時除了在賽前安德尊的介紹外，作為賽評的鍾志光亦在比賽中暗踩：「一條心、一條船，搞掂佢，但而家似乎畀人搞掂多啲喎！唔算太慢，不過唔夠前面嗰啲快。」
直到比賽結束後，現場攝影師只是輕輕影過獎盃就帶走，於是安德尊就借題發揮：「連個攝影師影住佢，都係一下就走咗去。個盃係我哋嘅，你都影多兩秒啦！都唔緊要，但頭先王俊棠誓神劈願向住觀眾『你睇住啦！』，我仲聽到一句，嗰個何沛珈話『留力鬥後』，鬥後？」

而事主有人翻出安德尊與王俊棠去年早已結怨，當時同樣是由王俊棠帶隊，但結果僅得尾二時，安德尊就狠批王俊棠「黑口黑面做鼓手，一手累全家」，之後王俊棠亦隔空回應安德尊，指對方「口水多過茶，成日吹水唔抹咀」。