墨魚遊戲2｜鄧兆尊自爆「趕收工」與錢嘉樂、森美夾定故意提早退場 提參賽者全部無薪參加直言未必有下次 精選

試當真告別之作《墨魚遊戲2》於前日正式開播，作為香港最大型的遊戲節目，做成的話題亦多不勝數，當中不少有份參與的藝人，都有於不同節目上分享心得，而表現相當搶眼的鄧兆尊，亦發表了他的感想。
鄧兆尊昨日登上「田豪祖3寶channel」的節目中，分享拍攝感受，他指《墨魚遊戲2》在當日早上10點開拍，加上每場遊戲前需Briefing近1小時，到第二場遊戲已到晚上7點，更因為當日是星期一，自己又要趕回家做播，而他又見到錢嘉樂、森美兩人都明顯「好攰」，於是三人就決定找個機會專登在遊戲上輸掉，並提到「如果要拍晒，我估都要2點以上。」
貴花田、曾志豪問到要如何做到「專登死」又自然時，鄧兆尊就回應先是提到當日有20至30個攝影機拍攝，收音設備亦收錄了所有對話：「我哋呢啲老前輩，有咩係做唔到，要『死』係好難。你留意下森美、錢嘉樂係點樣玩過3關，我哋喺排隊嗰陣已經諗『點先會死呢？』而又要做到要死但唔可以被人察覺到就難度高啦！」至於在開播後被懷疑同樣是趕收工的劉以達、周秀娜及達哥三人，鄧兆尊就回應三人都是「自然死」，那怕不喜歡拍太耐的達哥，都僅僅因為跑得慢而出局。 而鄧兆尊並透露到所有參與者都沒有酬勞，只獲得飯糰、糖果和飲品作為補償，全程都比想像中辛苦。他坦言如果還有下次機會再找這100名藝人或KOL拍攝，相信會有一半人都因為困太久或無報酬拒絕參與。