九巴車長Alex被19歲女巴迷滋擾起底再示愛 無奈辭職報東張求助：我唔會接受你嘅道歉 精選

近日《東張西望》播出有一名叫Alex的前九巴車長，在去年入職後不久被19歲的女巴士迷長期痴纏感到十分困擾，不但影響到其工作，更是將Alex的個人資料公開放上網，在多次拒絕無果之後，就在節目上求助。
Alex在節目提到，在去年3月加入九巴公司大約入職3個月後，就有一名女巴士迷開始展開瘋狂滋擾，不但每日都在他工作的車站附近徘徊，更不時偷拍Alex的照片與影片外，誇張起來更是無視道路安全，直接騎單車追逐巴士。當時 Alex 更表示：「乘客上車嘅時候，佢就會企喺巴士車頭望住我，試過幾次喺中途站見到佢，佢都會拎住相機影我，又會喺度傻笑望住我，佢咁樣好容易令我分心，好容易會撞車。」
去到某日 Alex 當面拒絕對方後，該名女巴迷卻變本加厲起來，直接在將他的個人資料包括姓名、肖像、住址及家庭狀況在社交平台公開。在忍無可忍的情況下，Alex 終於向對方對質，試問出為何會知得他所有資料時，女巴迷卻回應「你點解睇到我FB？、我估咋！」後，Alex 終於爆氣指早已封鎖女巴迷的社交平台，並回應：「點解要解封你呀？憑乜要解封你？你想同我做friend，但係我唔想同你做 friend，冇嘢講喇？走喇。」
當女巴迷再向Alex表白：「其實我鍾意咗你」後，Alex 終於忍不住爆粗：「你鍾意咗我關我x事？（我鍾意你對我有好感？我對你冇好感呀，零呀，唔會有。」
其後「東張女神」俞可程跟該名女巴士迷訪問，她指自己在大約一年前成為巴士迷，最初不承認滋擾Alex，之後卻講：「我希望同佢做friend，因為覺得佢生得好睇，不過嗰個人鬧我，話唔想識我，叫我走開，我係有啲唔開心。」其後女巴士迷向Alex道歉，承諾不會再滋擾對方，但Alex表明不會接受：「其實佢都幾冇誠意，都仲係嬉皮笑臉，同埋佢都講唔到個重點，算啦，你都冇誠意㗎啦。」之後覺得對方態度有問題便轉身走開去駕車。
在Alex離去後，女巴士迷向節目組表示想爭取「One More Chance」，於是等Alex再開車回總站時，女巴士迷再次道歉：「對唔住，車長。我之前做啲行為令你好唔鍾意，覺得騷擾到你。我依家會改，之前你話我做啲行為會影響行車安全，仲會影響埋你嘅情緒，我依家好後悔。」卻終得 Alex 回應：「我唔會接受你嘅道歉，只係希望你以後唔好再做。」
女巴士迷叫車長下次再見到她有做這些行為，可以立即報警，但根據資料九巴回應指「有關車長已離職」，恐怕他已經沒機會了。