轉載自: 蘋果新聞 2011-05-28
今年 3月本報獨家踢爆鄭秀文（ Sammi）和許志安復合，在太平館甜蜜撐枱腳，令事業浮沉多時的豬髀安人氣暴升。昨晚豬髀安在紅館為一連三場的演唱會揭序幕，一早預告睇騷的牛脷文牙齒當金使，打扮靚靚入場熱捧。豬髀安開騷谷盡全身肌肉，更披上激凸下體的全銀裝束展雄風。他唱出與 Sammi的定情歌《唯獨你是不可取替》時還激動落淚。
現年 38歲的鄭秀文兩個月前被本報獨家拍到與許志安於太平館嘆情比金堅情侶餐後，隨即公開撰寫草菇論：「那天在太平館，我重新感受到一種屬於愛情的快樂。這感覺，久違了。頭上的草菇也是時候凋謝了。」讓粉絲感受牛脷文和豬髀安由廚房走去餐廳的美味情緣。昨晚豬髀安在紅館舉行一連三場的「許志安 On and On25週年演唱會」，一早爆響口捧場的牛脷文支票兌現，以一身型格打扮現身，等聽男友大唱定情冧歌《唯獨你是不可取替》。
Sammi昨晚穿上低胸連身裙配翠綠頭飾，於晚上約 8時坐七人車抵達紅館後台，在場半百安仔粉絲大嗌 Sammi，但她到開騷後遲遲不現身，可能是怕搶去男友風頭，其他捧場客則有林建岳、謝安琪和劉浩龍等。
安仔激凸跳辣舞
昨晚全場爆滿， 43歲的豬髀安穿黑西裝、頸上掛着一排燈由樓梯步上舞台，他獻唱《戀愛片段》，又換上另一套激凸下體的銀衫展雄風，他與女 dancer跳辣舞及被抬起，其後他剝衫露透視背心展示大隻身形，他風騷地問觀眾：「我弗唔弗先？我屋企人同朋友都有問呀，同事話唔係聽你啲歌，係睇你六嚿嘢。唔好意思，今日冇。」台下觀眾大讚他靚仔，安仔開心到不得了：「我都覺得自己靚仔咗。」
至演唱會中途，安仔自彈自唱他跟 Sammi的定情歌《唯獨你是不可取替》，他說：「開六次演唱會，今次係第一次彈鋼琴。」他邊彈邊唱，觀眾起哄大叫 Sammi的名字，此時安仔已開始落淚，他邊拭淚邊唱下去。至安歌部份， Sammi才坐出觀眾席。
另外，心情勁靚的 Sammi昨去紅館前先到中環出席 MCM旗艦店開幕儀式，問她是否趕往紅館睇安仔？她甜笑說：「工作先，我呢啲專業嘅。我好肚餓呀，食咗嘢先去睇，一定會支持安仔嘅。」 Sammi一講安仔即變身鄭四萬，全程笑不攏嘴，她直言會睇足三場，但一定不上台，不知安仔會否因女友捧場而特別緊張？ Sammi笑說：「安仔好勤力，凌晨兩點幾仲喺街跑步，我朝早跑步所以冇陪佢，祝佢演唱會順利，凡事盡力 OK啦，世事冇完美。」原來她一直沒看安仔綵排，她說：「乜嘢都唔要睇，原汁原味演唱會睇呀，今次舞台留番畀佢，完全屬於佢，盡情唱歌。」
警告台上咪求婚
Sammi以久違的女友身份捧場有何感受？她笑說：「肉緊啲，希望佢嘅身體狀況 OK，自己咁奀都捱得過，佢咁大隻一定冇事。演唱會後會陪佢食多啲嘢，燒鵝陪佢食多啲，但對我就太肥，牛扒就 OK。」 Sammi會否擦豬髀？她鬼馬說：「食咗都唔話畀你聽啦，我知佢鍾意食燒鵝髀，演唱會後都會準備畀佢食。」 Sammi如此體貼，安仔肯定冧到震，她說：「呢啲應該、應份。」
安仔明知 Sammi在台下捧場，隨時發表情話感動女友， Sammi卻耍手擰頭說：「千祈唔好搞呢啲煽情嘢，佢太知我性格。呢啲唔使啦，明 o架啦，唔需要台上表白，如果係咁我會好憤怒，唔要呢啲老套嘢，如果佢講埋啲感動嘢我反而嬲爆。」若安仔公開求婚呢？她強調：「唔好搞呢啲嘢，真係嬲。」
「唔會刻意追 BB」
牛脷文和豬髀安復合，其恩師杜琪峯曾祝她早生貴子， Sammi反問：「生 BB呀？我興趣不大，鍾意養貓同養狗多啲，個 god畀到我都會接受，但唔會刻意追。」有指安仔鍾意小朋友， Sammi卻說：「唔係喎，據我所知佢鍾意老人家。」安仔完成演唱會後，兩人會否拍拖旅行？ Sammi冧笑說：「睇吓做成點先啦。」
今年 3月本報獨家踢爆鄭秀文（ Sammi）和許志安復合，在太平館甜蜜撐枱腳，令事業浮沉多時的豬髀安人氣暴升。昨晚豬髀安在紅館為一連三場的演唱會揭序幕，一早預告睇騷的牛脷文牙齒當金使，打扮靚靚入場熱捧。豬髀安開騷谷盡全身肌肉，更披上激凸下體的全銀裝束展雄風。他唱出與 Sammi的定情歌《唯獨你是不可取替》時還激動落淚。
現年 38歲的鄭秀文兩個月前被本報獨家拍到與許志安於太平館嘆情比金堅情侶餐後，隨即公開撰寫草菇論：「那天在太平館，我重新感受到一種屬於愛情的快樂。這感覺，久違了。頭上的草菇也是時候凋謝了。」讓粉絲感受牛脷文和豬髀安由廚房走去餐廳的美味情緣。昨晚豬髀安在紅館舉行一連三場的「許志安 On and On25週年演唱會」，一早爆響口捧場的牛脷文支票兌現，以一身型格打扮現身，等聽男友大唱定情冧歌《唯獨你是不可取替》。
Sammi昨晚穿上低胸連身裙配翠綠頭飾，於晚上約 8時坐七人車抵達紅館後台，在場半百安仔粉絲大嗌 Sammi，但她到開騷後遲遲不現身，可能是怕搶去男友風頭，其他捧場客則有林建岳、謝安琪和劉浩龍等。
安仔激凸跳辣舞
昨晚全場爆滿， 43歲的豬髀安穿黑西裝、頸上掛着一排燈由樓梯步上舞台，他獻唱《戀愛片段》，又換上另一套激凸下體的銀衫展雄風，他與女 dancer跳辣舞及被抬起，其後他剝衫露透視背心展示大隻身形，他風騷地問觀眾：「我弗唔弗先？我屋企人同朋友都有問呀，同事話唔係聽你啲歌，係睇你六嚿嘢。唔好意思，今日冇。」台下觀眾大讚他靚仔，安仔開心到不得了：「我都覺得自己靚仔咗。」
至演唱會中途，安仔自彈自唱他跟 Sammi的定情歌《唯獨你是不可取替》，他說：「開六次演唱會，今次係第一次彈鋼琴。」他邊彈邊唱，觀眾起哄大叫 Sammi的名字，此時安仔已開始落淚，他邊拭淚邊唱下去。至安歌部份， Sammi才坐出觀眾席。
另外，心情勁靚的 Sammi昨去紅館前先到中環出席 MCM旗艦店開幕儀式，問她是否趕往紅館睇安仔？她甜笑說：「工作先，我呢啲專業嘅。我好肚餓呀，食咗嘢先去睇，一定會支持安仔嘅。」 Sammi一講安仔即變身鄭四萬，全程笑不攏嘴，她直言會睇足三場，但一定不上台，不知安仔會否因女友捧場而特別緊張？ Sammi笑說：「安仔好勤力，凌晨兩點幾仲喺街跑步，我朝早跑步所以冇陪佢，祝佢演唱會順利，凡事盡力 OK啦，世事冇完美。」原來她一直沒看安仔綵排，她說：「乜嘢都唔要睇，原汁原味演唱會睇呀，今次舞台留番畀佢，完全屬於佢，盡情唱歌。」
警告台上咪求婚
Sammi以久違的女友身份捧場有何感受？她笑說：「肉緊啲，希望佢嘅身體狀況 OK，自己咁奀都捱得過，佢咁大隻一定冇事。演唱會後會陪佢食多啲嘢，燒鵝陪佢食多啲，但對我就太肥，牛扒就 OK。」 Sammi會否擦豬髀？她鬼馬說：「食咗都唔話畀你聽啦，我知佢鍾意食燒鵝髀，演唱會後都會準備畀佢食。」 Sammi如此體貼，安仔肯定冧到震，她說：「呢啲應該、應份。」
安仔明知 Sammi在台下捧場，隨時發表情話感動女友， Sammi卻耍手擰頭說：「千祈唔好搞呢啲煽情嘢，佢太知我性格。呢啲唔使啦，明 o架啦，唔需要台上表白，如果係咁我會好憤怒，唔要呢啲老套嘢，如果佢講埋啲感動嘢我反而嬲爆。」若安仔公開求婚呢？她強調：「唔好搞呢啲嘢，真係嬲。」
「唔會刻意追 BB」
牛脷文和豬髀安復合，其恩師杜琪峯曾祝她早生貴子， Sammi反問：「生 BB呀？我興趣不大，鍾意養貓同養狗多啲，個 god畀到我都會接受，但唔會刻意追。」有指安仔鍾意小朋友， Sammi卻說：「唔係喎，據我所知佢鍾意老人家。」安仔完成演唱會後，兩人會否拍拖旅行？ Sammi冧笑說：「睇吓做成點先啦。」
請按此登錄後留言。未成為會員? 立即註冊