自閉男童遭同學塞橡皮擦碎入耳 家長轟校方隱瞞：問咗20個小朋友都話冇發現 精選

最新一集《東張西望》接獲張氏夫婦投訴，指就讀大埔某小學一年級、患有自閉症的兒子慘遭同學欺凌。事緣六月底，張生發現兒子經常揉耳朵，用智能探熱器一照，竟見到耳道藏有大量橡皮擦碎！他立即用鉗子夾出六、七粒，有些塞得極深。兒子之後才敢說，原來課間休息時被同學A先後六次強行塞橡皮擦碎入耳，還恐嚇他：「唔好同屋企人講，如果唔係就冇人同你玩。」家長翌日帶兒子求醫清洗耳朵，才發現異物已逗留兩至三星期。
張生張太隨即帶投訴信到學校交涉，校方花三天調查後回覆「訪問咗20個小朋友都話冇發現」。張生當面憤怒斥責：「我睇住我小朋友耳仔夾出六七粒擦子膠，你話查唔到？」當家長要求直接見涉事同學A，校方竟稱對方已離開香港，暑假前都找不到。張太質疑學校有意隱瞞：「開完會後我哋好懷疑校方係咪想包庇呢個同學嘅行為？」
事件經網上曝光後，校方才迅速發出兩封公函列出時間線，企圖證明「有做事」。但張太直言感受不到任何幫助，已對學校徹底失去信任，決定為兒子轉校。張生感慨地說：「我哋要話俾仔仔聽，爸爸媽媽曾經為你盡過力去搵公道。」校方則以事件仍在跟進及私隱為由，拒絕回應《東張》查詢。