300萬成本拍出過億質素？《UFO離奇命案》獲網民狂推 黃德斌自嘲「我癡㗎」 精選

由《大叔的愛》導演郭家禧與李振傑聯手執導的黑色喜劇《UFO離奇命案》，上映三周票房突破250萬，在暑期大片夾擊下靠口碑殺出重圍，更在社交平台Threads掀起洗版式好評。電影不僅獲本地觀眾激讚「300萬製作精密布局完全唔輸過億製作」，更成功吸引美國獨立發行商爭奪版權，本周末將於加拿大奇幻國際電影節競賽環節放映，為小本創作打了強心針。
演員團隊連日謝票之餘，也不忘「賽後檢討」網民評論。楊偲泳笑說：「我哋係Cult片嘅Cult Cult哋，聽過個版本係你哋想認真做，但啲演員演到似Cult片！」凌文龍即和應：「其實係我哋造成㗎！」至於獲封喜劇MVP的黃德斌，讀到網民讚他「《大叔的愛》後覺醒搞笑潛能」，即時自嘲：「我癡㗎其實！都係聽導演講夾佢哋咋！」導演郭家禧更搞笑表示下次要挑戰200萬成本，李振傑即笑言要從演員片酬開刀，楊偲泳隨即反駁：「我哋冇得再開㗎喇！」
為答謝觀眾支持，今晚「阿金」陳湛文將聯同小灰人現身旺角街頭，大派戲中出現的「金」蔗水，粉絲只需大喊片中口號「我哋地球人唔會同外星人屈服」，即可獲得限定飲品，延續電影的癲狂作風。