陳志雲開腔反擊「廢老」指控：你話我廢就廢呀？否認對達哥零尊重 精選

資深傳媒人陳志雲近日因訪問網絡紅人「達哥」而引發公關災難，網民嚴厲批評他態度傲慢、零尊重，更批評為「廢老」。面對排山倒海的負面評價，陳志雲終於公開回應。
風波起源於陳志雲在YouTube頻道邀請達哥擔任嘉賓，卻接連出錯，包括叫錯對方姓氏、講錯畢業大學，又拋出「打機有咩咁好玩」等過時提問，被指暗諷達哥其貌不揚。陳志雲逐一解釋，承認一時失言，但強調有進行資料搜集：「如果佢乜嘢背景我都講得出，我就唔使訪問佢，自己對住鏡頭講就得啦。」他更透露已致電達哥慰問，對方反過來安慰他：「大家知大家唔係咁，你唔好唔開心。」對於被罵「廢老」，陳志雲豁達笑言：「鬧我廢老？唔係廢婆咩？我都唔嬲，你話我廢就廢呀？」他反問苛刻的網民：「你話我唔尊重人嘅時候，不如你聽吓自己講緊啲乜嘢？」他勸勉大家面對負面評價不要減少自信，更幽默表示若網民發洩完後能獲得喜悅，他願意「為你服務」。事件可見兩代媒體人之間的認知鴻溝，但達哥的大方回應與陳志雲的從容化解，總算為這場風波畫上句號。