子華神「狠批」英國食物？直指「係幾難食」寧願帶即食麵！ 精選

賀歲片《夜王》在港票房報捷，電影亦在英國等地同步上映，吸引了不少當地港人入場支持。近日，《夜王》團隊接受YouTube頻道「英倫爸爸」越洋訪問，其中黃子華對英國的觀感成為焦點。子華哥毫不客氣地直指英國的食物「係幾難食」，認為炸魚薯條已是最好，更分享試過在當地吃到又貴又難食的漢堡包。
黃子華毫不留情面批評英國食物「係幾難食」，笑言炸魚薯條（Fish and chips）已經係最好食的選擇。他分享親身經歷：試過食到又貴又難食的漢堡包，一個要五、六英鎊，「全世界只有去英國先搵到咁嘅嘢食」。當主持人問到，若到英國謝票只准帶一樣東西，他即時選即食麵，強調「如果有一個即食麵，我覺得已經贏晒」，形容即食麵係「Comfort food」，遠勝當地許多食物。
他回想一次從英國去歐洲的旅程，沿途搵唔到好食，過程「淒慘」，直至喺柏林食到一碗普通越南粉先覺得「有冇咁好食」。不過，黃子華特別澄清，自己絕非詆譭英國，只係覺得在當地「搵食」的確有點辛苦。同場的鄭秀文則持相反意見，笑言自己「鍾意乾爭爭啲嘢」，與子華哥形成有趣對比。