193繼「波鞋事件」最新熱話 網店LILABOC服務態度不佳俾人投訴

近日人氣男子組合ERROR成員郭嘉駿（193） 自己開嘅網店俾人投訴，有指網店職員服務態度惡劣令到消費者極度不滿。
193出名有咩都直接講，曾經同過曾志偉隔空互窒，之後又發生「波鞋事件」嚟到今日又有新嘅話題「193網店俾人投訴」。事緣係琴日有人喺連登嗰度分享自己今年係1月嗰陣幫襯193開嘅網店LILABOC買帽，但係一直都收唔到頂帽，所以自己喺二月同埋八月嗰陣向舖頭反映收唔到貨，想查詢頂帽幾時先有，但係最終都係收唔到回覆。網店LILABOC知道俾人公開投訴之後，選擇公開有關同網民商討處理退款嘅對話截圖擺上IG限時動態。相信今次嘅事件193好快又會自己跳出來回應！