許廷鏗黃夏蕙化身一日情侶 夏蕙BB全素顏上陣玩到唔捨得走

娛樂小仙子 於 24/08/2021 發表 收藏文章
琴日播出嘅《AH佛真· 惜玩》可以話係目前節目最爆趣又溫馨和諧嘅一集。許廷鏗今集嘅嘉賓竟然係完全唔認識冇見過面嘅黃夏蕙BB。究竟係咩解救會有咁嘅配搭呢!
ViuTV節目組安排今集許廷鏗同黃夏蕙要做一日嘅情侶去海洋公園嬉戲遊玩。
節目最開始,許廷鏗問黃夏蕙BB目前來講乜嘢係最重要?夏蕙BB毫無疑問即刻回答當然係寶貴嘅時間,時間最緊要。之後佢哋就把握時間迅速去到海洋公園。
第一個環節節目組安排許廷鏗同黃夏蕙BB去睇海獅,過程中唔單止淨係喺度睇,佢哋仲同海獅一齊互動。互動環節分別就係餵海獅食嘢,同佢地一齊同步敬禮,學習海獅咆哮大叫。咆哮大叫部份許廷鏗可以話係「高手」仲識得同海獅一齊和音合唱!
第二個環節,夏蕙BB話佢最鍾意嘅水上活動就係滑水,好似有一種去咗天涯海角嘅感覺。今次節目組特別安排滿足一下夏蕙 BB,海底奇兵探索世界嘅感覺。夏蕙 BB同許廷鏗着好晒游泳嘅潛水裝束準備落水底探險睇吓各種唔同嘅魚。最值得一讚嘅係夏蕙 BB竟然全素顏上陣仲靚過平時,落水玩嘅時候比起許廷鏗更加勇敢,一直潛落去睇唔同嘅魚,玩到唔捨得走!
嚟到節目嘅尾聲夏蕙BB分享今次節目嘅體驗話自己冇以前少女時期咁勇敢,已經88歲,有陣時仲會失憶唔記得咗自己幾多歲。夏蕙BB話無論到咗乜嘢年紀,都一定要珍惜當下,盡情去做想做啲嘢,依家就喺度創立慈善基金,目的開一個老人院,同埋開馬拉松演唱會為85歲以上嘅演藝表演人士籌款。
夏蕙BB真係可以話係史無前例代表,竟然會有人搞生前葬禮,親身體驗死後出席自己喪禮的感覺。原來佢決定搞生前葬禮最終嘅目的就係想話俾大家聽生命好緊要,活多一天,一個人死之後應該成日掛住佢,以佢為榮去做自己未完成嘅事情,每一日都要活得快樂。夏蕙BB其實都講得幾啱嘅,人生好短暫,梗係要活得開心精彩自在啦!

留言


請按此登錄後留言。未成為會員? 立即註冊
    快捷鍵:←
    快捷鍵:→