馬浚偉張家朗係咪親戚? 馬仔爆笑回應撞樣事件

娛樂小仙子 於 16/08/2021 發表 收藏文章
張家朗在東京奧運為港隊爭光奪得奧運男子花劍個人賽金牌,人氣急升成為新一代男神。 從張家朗參加東京奧運開始,網民一直覺得張家朗激似馬浚偉,究竟佢哋有冇親戚關係呢? 馬浚偉今天出席活動開腔回應撞樣事件。
馬浚偉出席殘奧運動員打氣活動時,被現場媒體問到有否留意到張家朗。馬仔一聽到張家朗這個名字,馬上爆笑回應:「我有睇到,亦有睇佢比賽,佢贏咗嘅當日,即刻收到嘅留言就係監製梅小青。」馬仔表示監製梅小青看到家朗一取面罩,就以為他轉行去打花劍。
對於網民覺得張家朗激似馬浚偉,馬仔笑說:「我聽到當然好開心啦,但人哋後生靚仔又高大,我已經一把年紀,我諗係眼型上面有少少似啦,咁我都好開心㗎,我自己之後會約佢做訪問㗎。」
馬仔透露稍後時間會跟張家朗做訪問,期待到時候看到兩個人合照!
標籤: 馬浚偉  張家朗  

留言


請按此登錄後留言。未成為會員? 立即註冊
    快捷鍵:←
    快捷鍵:→